Sutikshnakritam Shri Rama Stotram

सुतीक्ष्णकृतं रामस्तोत्रम् १०

सुतीक्ष्ण उवाच । नमस्ते जानकीनाथ नमस्ते हनुमत्प्रिय ॥ १.१८.१०॥ नमस्ते कौशिकमुनेर्यागरक्षणदीक्षित । नमस्ते कौसलेयाय विश्वामित्रप्रियाय च ॥ ११॥ नमस्ते हरकोदण्डभञ्जकामरसेवित । मारीचान्तक राजेन्द्र ताटकाप्राणनाशन ॥ १२॥ कबन्धारे हरे तुभ्यं नमो दशरथात्मज । जामदग्न्यजिते तुभ्यं खरविध्वंसिने नमः ॥ १३॥ नमः सुग्रीवनाथाय नमो वालिहराय ते । विभीषणभयक्लेशहारिणे मलहारिणे ॥ १४॥ अहल्यादुःखसंहर्त्रे नमस्ते भरताग्रज । अम्भोधिगर्वसंहर्त्रे तस्मिन्सेतुकृते नमः ॥ १५॥ तारकब्रह्मणे तुभ्यं लक्ष्मणाग्रज ते नमः । रक्षःसंहारिणे तुभ्यं नमो रावणमर्द्दिने ॥ १६॥ कोदण्डधारिणे तुभ्यं सर्वरक्षाविधायिने ॥ इति श्रीस्कन्दपुराणे ब्रह्मखण्डे सेतुखण्डे अष्टादशा- ध्यायान्तर्गतं सुतीक्ष्णकृतं श्रीरामस्तोत्रं समाप्तम् । स्कन्दपुराण । ब्राह्मखण्ड । सेतुखण्ड । अध्याय १८/१०-१७॥ skandapurANa . brAhmakhaNDa . setukhaNDa . adhyAya 18/10-17.. Proofread by PSA Easwaran