Angirasakritam Shiva Stotram

आङ्गीरसकृतं शिवस्तोत्रम्

आङ्गिरस उवाच । जय शङ्कर शान्त शशाङ्करुचे रुचिरार्थद सर्वद सर्वशुचे । शुचिदत्त गृहीत महोपहृते हृतभक्तजनोद्धततापतते ॥ १॥ ततसर्वहृदम्बर वरदनते नतवृजिनमहावन दाहकृते । कृतविविधचरित्रतनो सुतनो तनुविशिखविशोषणधैर्यनिधे ॥ २॥ निधनादिविवर्जितकृतनतिकृत्कृतिविहितमनोरथपन्नगभृत् । नगभर्तृसुतार्पितवामवपुः स्ववपुःपरिपूरितसर्वजगत् ॥ ३॥ त्रिजगन्मयरूप विरूप सुदृग्दृगुदञ्चनकुञ्चन कृतहुतभुक् । भवभूतपते प्रमथैकपते पतितेष्वपि दत्तकरप्रसृते ॥ ४॥ प्रसूताखिलभूतलसंवरणप्रणवध्वनिसौधसुधांशुधर । वरराजकुमारिकया परया परितः परितुष्ट नतोऽस्मि शिव ॥ ५॥ शिवदेव गिरीश महेश विभो विभवप्रद गिरिश शिवेशमृड । मृडयोडुपतिध्र जगत्त्रितयं कृतयन्त्रणभक्तिविघातकृताम् ॥ ६॥ न कृतान्त त एष बिभेमि हर प्रहराशु महाघममोघमते । न मतान्तरमन्यदवैनि शिवं शिवपादनतेः प्रणतोऽस्मि ततः ॥ ७॥ विततेऽत्र जगत्यखिलेऽघहरं हर तोषणमेव परं गुणवन् । गुणहीनमहीनमहावलयं प्रलयान्तकमीश नतोऽस्मि ततः ॥ ८॥ इति श्रीस्कादपुराणे काशीखण्डे पूर्वार्द्धे सप्तदशाध्यायान्तर्गतं आङ्गीरसकृतं शिवस्तोत्रं समाप्तम् । स्कन्दपुराण । काशीखण्ड । पूर्वखण्ड १ । अध्याय १७/३४-४१॥ skandapurANa . kAshIkhaNDa . pUrvakhaNDa 1 . adhyAya 17/34-41.. Proofread by PSA Easwaran