ईश्वरप्रोक्तं शिवस्तोत्रम्
(शिवरहस्यान्तर्गते महादेवाख्ये)
- शिवपार्वतीसंवादे -
स्तुताय स्तुतिरूपाय स्तूयमानाय सर्वदा ।
स्तुतिहेतुनिधानाय नमस्त्रिणयनाय ते ॥ १२॥
देवाय दिव्यरूपाय नमो दिव्यतमाय ते ।
पराय परमेशाय परमार्थैकहेतवे ॥ १३॥
परापरविमुक्ताय नमः परतराय ते ।
पूज्याय पूज्यपूज्याय सर्वपूज्यैकहेतवे ॥ १४॥
पूज्यानामपि पूज्याय नमः पूज्यतमाय ते ।
नित्याय नित्यनित्याय सर्वनित्यैकहेतवे ॥ १५॥
नित्यानामपि नित्याय नमो नित्यतमाय ते ।
दीप्ताय दीप्तदीप्ताय सर्वदीप्त्येकहेतवे ॥ १६॥
दीप्तनामपि दीप्ताय नमो दीप्ततमाय ते ।
साराय साररूपाय सर्वसारैकहतवे ॥ १७॥
साराणामपि साराय नमः सारतराय ते ।
शान्ताय शान्तरूपाय सर्वशान्त्येकहेतवे ॥ १८॥
शुद्धानामपि शुद्धाय नमः शुद्धतमाय ते ।
कालाय कालरूपाय सर्वकालैकहेतवे ॥ १९॥
कालानामपि कालाय नमः कालतमाय ते ।
सर्वमन्त्रशरीराय सर्वमन्त्रैकहेतवे ॥ २०॥
मन्त्राणामपि मन्त्राय नमो मन्त्रतमाय ते ।
व्योमप्रमाणरूपाय ईशानाय नमो नमः ॥ २१॥
व्योमप्रमाणभासाय अघोराय नमो नमः ।
व्योमप्रमाणसद्याय सद्योजाताय ते नमः ॥ २२॥
व्योमप्रमाणविद्याय विद्येशाय नमो नमः ।
व्योमप्रमाणकालाय कालेशाय नमो नमः ॥ २३॥
व्योमप्रमाणधर्माय धर्मेशाय नमो नमः ।
व्योमप्रमाणभोगाय भोगेशाय नमो नमः ॥ २४॥
व्योमप्रमाममोक्षाय मोक्षेशाय नमो नमः ।
व्योमप्रमाणविश्वाय विश्वेश्वर नमोऽस्तु ते ॥ २५॥
एकदेहद्विदेहाय बहुदेहाय ते नमः ।
देहातीतामरज्ञाय विश्वेशाय नमोऽस्तु ते ॥ २६॥
एककालद्विकालाय बहुकालाय ते नमः ।
कालसङ्ख्यास्वरूपाय त्रिणेत्राय नमो नमः ॥ २७॥
एकवक्त्रद्विवक्त्राय बहुवक्त्राय ते नमः ।
वक्त्रासङ्ख्येययुक्ताय वक्त्रेशाय नमो नमः ॥ २८॥
एकनेत्रद्विनेत्राय बहुनेत्राय ते नमः ।
नेत्रासङ्ख्येययुक्ताय त्र्यम्बकाय नमो नमः ॥ २९॥
एककण्ठद्विकण्ठाय बहुकण्ठाय ते नमः ।
एकनासद्विनासाय बहुनासाय ते नमः ॥ ३०॥
नासाऽसङ्ख्येययुक्ताय नित्यं शर्वाय ते नमः ।
एकजिह्वद्विजिह्वाय बहुजिह्वाय ते नमः ॥ ३१॥
जिह्वाऽसङ्ख्येययुक्ताय नीलकण्ठाय ते नमः ।
एकहस्तद्विहस्ताय बहुहस्ताय ते नमः ॥ ३२॥
हस्तासङ्ख्येययुक्ताय शङ्कराय नमो नमः ।
एकशस्त्रद्विशस्त्राय बहुशस्त्राय ते नमः ॥ ३३॥
शस्त्रासङ्ख्येययुक्ताय ईशानाय नमो नमः ।
एकपादद्विपादाय बहुपादाय ते नमः ॥ ३४॥
पादासङ्ख्येययुक्ताय महादेव नमोऽस्तु ते ।
अव्यक्ताय नमस्तुभ्यं शाश्वताय नमो नमः ॥ ३५॥
महेश्वर नमस्तेऽस्तु महायोगिन्नमोऽस्तु ते ।
महोत्तम नमस्तेऽस्तु महारूप नमोऽस्तु ते ॥ ३६॥
सदाशिव नमस्तेऽस्तु सदाशुद्ध नमोऽस्तु ते ।
सदोज्ज्वल नमस्तेऽस्तु महादेव नमोऽस्तु ते ॥ ३७॥
नमस्ते भगवन् शान्त नमस्ते भगवन् ध्रुव
नमस्ते भगवन् दीप्त नमस्ते भगवन् हर ॥ ३८॥
अजिताय नमस्तुभ्यं भस्माङ्गाय नमोऽस्तु ते ।
अनन्ताय नमस्तुभ्यं सर्वगाय नमोऽस्तु ते ॥ ३९॥
(फलम्)
इति स्तवेन दिव्येन यः स्तौति परमेश्वरम् ।
स विधूयाशु पापानि शिवलोके महीयते ॥ ४०॥
भोगार्थी लभते भोगान् राज्यार्थी राज्यमाप्नुयात् ।
कन्यार्थी लभते कन्यां योगार्थी योगमाप्नुयात् ॥ ४१॥
मुच्यते व्याधितो रोगीर्दुःखी दुःखात्प्रमुच्यते ।
बन्धनान्मुच्यते बद्धो यशोऽर्थी च यशो लभेत् ॥ ४२॥
यान् यांश्चिन्तयते कामान् तांस्तान् प्राप्नोति मानवः ।
शिवस्य पदमाप्नोति नित्यं पठति यो नरः ॥ ४३॥
॥ इति शिवरहस्यान्तर्गते स्कन्दप्रोक्तं शिवार्चनोपदेशं सम्पूर्णम् ॥
- ॥ श्रीशिवरहस्यम् । महादेवाख्यः एकादशमांशः । अध्यायः ४३ शिवस्तुतिः । १२-४३॥
- .. shrIshivarahasyam . mahAdevAkhyaH ekAdashamAMshaH . adhyAyaH 43 shivastutiH . 12-43..
Notes:
ŚivaTriṃśaduttaraśataNāmāvaliḥ शिवत्रिंशदुत्तरशतनामावलिः; that is derived from the Īśvaraproktaṃ ŚivaStotram ईश्वरप्रोक्तं शिवस्तोत्रम्, can be accessed from one of the links given below.
Proofread by Ruma Dewan