देवादिकृतं षण्मुखषट्कम्
देवाद्याः -
शरणातुल मातुलगाधिपते करुणाकर कामद कामहन्तः ।
शरकाननसम्भवचारुरुचे परिपालय तारकमारक नः ॥ १२१॥
हरसारसमुद्भवहैमवतीकरपल्लवलालित कम्रतनो ।
पुरवैरिमुकुन्दहृदम्बुनिधे परिपालय तारकमारक नः ॥ १२२॥
शरदिन्दुसमानषडाननापारसरसीरुहलोचनया विलोचनया ।
निरुपाधिकया निजबालतया परिपालय तारकमारक नः ॥ १२३॥
गिरिजासुत सायकभिन्नगिरे सुरसिन्धुतनूज सुवर्णरुचे ।
शिखिजात शिखावलवाहगते परिपालय तारकमारक नः ॥ १२४॥
जय विप्रजनप्रिय वीरमनोजय भक्तपरायण भद्रनमो ।
जय शाखविशाखकुमार नमो परिपालय तारकमारक नः ॥ १२५॥
पुरतो भव मे परितो भव मे पथि मे भगवन्भरक्षतान्तम् ।
(पुरतो भव मे परितो भव मे पथि मे भगवन्भररक्षनमः) ।
वितरागिषु मे विजयिन् भगवन् परिपालय तारकमारक नः ॥ १२६॥
(फलम्) -
इति कुक्कुटकेतुमनुस्मरतां पठतामपिषण्मुखषट्कमिदम् ।
नमतामभिनन्दनमिन्दुभृतो न क्षयं कचिदस्ति शरीरिणाम् ॥ १२७॥
॥ इति शिवरहस्यान्तर्गते माहेश्वराख्ये देवादिकृतं षण्मुखषट्कम् ॥
- ॥ श्रीशिवरहस्यम् । माहेश्वराख्यः प्रथमांशः । अध्यायः ६० - स्कन्दस्तुतिः । १२१-१२७॥
- .. shrIshivarahasyam . mAheshvarAkhyaH prathamAMshaH . adhyAyaH 60 - skandastutiH . 121-127..
Notes:
Devā-s devAH eulogize Skanda स्कन्द.
.. shivarahasya aMshaH 1.. B
Encoded and proofread by Ruma Dewan