Andhakakritam 6 Shiva Stotram

अन्धककृतं ६ शिवस्तोत्रम्

अन्धक उवाच । जयस्व देवदेवेश उमार्धार्धशरीरधृक् । नमस्ते देवदेवेश सर्वाय त्रिगुणात्मने ॥ ७८॥ वृषभासनमारूढ शशाङ्ककृतशेखर । जय खट्वाङ्गहस्ताय गङ्गाधर नमोऽस्तु ते ॥ ७९॥ नमो डमरुहस्ताय नमः कपालमालिने । स्मरदेहविनाशाय महेशाय नमोऽस्तु ते ॥ ८०॥ पूष्णो दन्तनिपाताय गणनाथाय ते नमः । जय स्वरूपदेहाय अरूपबहुरूपिणे ॥ ८१॥ उत्तमाङ्गविनाशाय विरिञ्चेरपि शङ्कर । श्मशानवासिने नित्यं नित्यं भैरवरूपिणे ॥ ८२॥ त्वं सर्वगोऽसि त्वं कर्ता त्वं हर्ता नान्य एव च । त्वं भूमिस्त्वं दिशश्चैव त्वं गुरुर्भार्गवस्तथा ॥ ८३॥ सौरिस्त्वं देवदेवेश भूमिपुत्रस्तथैव च । ऋक्षग्रहादिकं सर्वं यद्दृश्यं तत्त्वमेव च ॥ ८४॥ इति श्रीस्कन्दपुराणे आवन्त्यखण्डे रेवाखण्डे अष्टचत्वारिंशा- ध्यायान्तर्गतं अन्धककृतं शिवस्तोत्रं समाप्तम् । स्कन्दपुराण । आवन्त्यखण्ड । रेवाखण्ड । अध्याय ४८/७८-८४॥ skandapurANa . AvantyakhaNDa . revAkhaNDa . adhyAya 48/78-84.. Proofread by PSA Easwaran