अन्धककृतं ७ शिवस्तोत्रम् 
 अन्धककृतं ७ शिवस्तोत्रम् 


अन्धक उवाच ।
नमस्ते जगतां धात्रे शर्वाय त्रिगुणात्मने ।
वृषभासनसंस्थाय शशाङ्ककृतभूषण ॥ २६॥

नमः खट्वाङ्गहस्ताय नमः शूलधराय च ।
नमो डमरुकोदण्डकपालानलधारिणे ॥ २७॥

स्मरदेहविनाशाय मूर्त्यष्टकमयात्मने ।
नमः स्वरूपदेहाय ह्यरूपबहुरूपिणे ॥ २८॥

उत्तमाङ्गविनाशाय विरिञ्चेः सृष्टिकारिणे ।
श्मशानवासिने नित्यं नमो भैरवरूपिणे ॥ २९॥

सर्वगः सर्वकर्ता च त्वं हर्ता नान्य एव हि ।
त्वं भूमिस्त्वं रजश्चैव त्वं ज्योतिस्त्वं तमस्तथा ॥ ३०॥

त्वं वपुः सर्वभूतानां जीवभूतो महेश्वर ।
अस्तौदेवं दानवेन्द्रो देवशूलाग्रसंस्थितः ॥ ३१॥

इति श्रीस्कन्दपुराणे नागरखण्डे एकपञ्चाशत्तमाधिकशततमाध्यायान्तर्गतं
         अन्धककृतं शिवस्तोत्रं समाप्तम् ।

स्कन्दपुराण । नागरखण्ड । अध्याय १५१/२६-३०॥


skandapurANa . nAgarakhaNDa . adhyAya 151/26-30..

Proofread by PSA Easwaran 


% Text title            : Andhakakritam 7 Shiva Stotram
% File name             : andhakakRRitaM7shivastotram.itx
% itxtitle              : shivastotram (andhakakRitaM 7 skandapurANAntargatam namaste jagatAM dhAtre sharvAya triguNAtmane)
% engtitle              : andhakakRRitaM 7 shivastotram
% Category              : shiva, skandapurANa, stotra
% Location              : doc_shiva
% Sublocation           : shiva
% Language              : Sanskrit
% Subject               : philosophy/hinduism/religion
% Proofread by          : PSA Easwaran
% Description/comments  : skandapurANa | nAgarakhaNDa | adhyAya 151/26-30||
% Indexextra            : (Scans 1, 2, 3, 4, 5, 6, 7, 8, English)
% Latest update         : August 24, 2025
% Send corrections to   : sanskrit at cheerful dot c om
% Site access           : https://sanskritdocuments.org

This text is prepared by volunteers and is to be used for personal study and research. The file is not to be copied or reposted for promotion of any website or individuals or for commercial purpose without permission. Please help to maintain respect for volunteer spirit.

BACK TO TOP
sanskritdocuments.org