अथर्ववेदकृता शिवस्तुतिः
(शिवरहस्यान्तर्गते ईशाख्ये)
अथर्ववेद उवाच ।
यो वै रुद्रः स भगवान् यश्च ब्रह्मा तस्मै वै नमो नमः ॥ ३३॥
यो वै रुद्रः स भगवान् या चोमा तस्मै वै नमो नमः ॥ ३४॥
यो वै रुद्रः स भगवान् यश्च विनायकस्तस्मै वै नमो नमः ॥ ३५॥
यो वै रुद्रः स भगवान् यश्च स्कन्दस्तस्मै वै नमो नमः ॥ ३६॥
यो वै रुद्रः स भगवान् यश्चेन्द्रस्तस्मै वै नमो नमः ॥ ३७॥
यो वै रुद्रः स भगवान् यश्चाग्निस्तस्मै वै नमो नमः ॥ ३८॥
यो वै रुद्रः स भगवान् यश्च वायुस्तस्मै वै नमो नमः ॥ ३९॥
यो वै रुद्रः स भगवान् यश्च वरुणस्तस्मै वै नमो नमः ॥ ४०॥
यो वै रुद्रः स भगवान् यश्च यमस्तस्मै वै नमो नमः ॥ ४१॥
यो वै रुद्रः स भगवान् यश्चनिरृतिस्तस्मै वै नमो नमः ॥ ४२॥
यो वै रुद्रः स भगवान् यश्च कुबेरस्तस्मै वै नमो नमः ॥ ४३॥
यो वै रुद्रः स भगवान् यश्च सूर्यस्तस्मै वै नमो नमः ॥ ४४॥
यो वै रुद्रः स भगवान् यश्च सोमस्तस्मै वै नमो नमः ॥ ४५॥
यो वै रुद्रः स भगवान् यानि च नक्षत्राणि वै नमो नमः ॥ ४६॥
यो वै रुद्रः स भगवान् ये चाष्टौ ग्रहास्तस्मै वै नमो नमः ॥ ४७॥
यो वै रुद्रः स भगवान् ये च ऋषयस्तस्मै वै नमो नमः ॥ ४८॥
यो वै रुद्रः स भगवान् ये चाष्टौ वसवस्तस्मै वै नमो नमः ॥ ४९॥
यो वै रुद्रः स भगवान् येद्वादशादित्यास्तस्मै वै नमो नमः ॥ ५०॥
यो वै रुद्रः स भगवान् य एकादशरुद्रास्तस्मै वै नमो नमः ॥ ५१॥
यो वै रुद्रः स भगवान् या च पृथिवी तस्मै वै नमो नमः ॥ ५२॥
यो वै रुद्रः स भगवान् यच्च तेजस्तस्मै वै नमो नमः ॥ ५३॥
यो वै रुद्रः स भगवान् यच्चाकाशं तस्मै वै नमो नमः ॥ ५४॥
यो वै रुद्रः स भगवान् याच भूस्तस्मै वै नमो नमः ॥ ५५॥
यो वै रुद्रः स भगवान् या च भुवस्तस्मै वै नमो नमः ॥ ५६॥
यो वै रुद्रः स भगवान् यश्च सुवस्तस्मै वै नमो नमः ॥ ५७॥
यो वै रुद्रः स भगवान् यश्च महस्तस्मै वै नमो नमः ॥ ५८॥
यो वै रुद्रः स भगवान् यश्च जनस्तस्मै वै नमो नमः ॥ ५९॥
यो वै रुद्रः स भगवान् यच्च तपस्तस्मै वै नमो नमः ॥ ६०॥
यो वै रुद्रः स भगवान् यच्च सत्यं तस्मै वै नमो नमः ॥ ६१॥
यो वै रुद्रः स भगवान् ये च प्राणास्तस्मै वै नमो नमः ॥ ६२॥
यो वै रुद्रः स भगवान् यच्च मनस्तस्मै वै नमो नमः ॥ ६३॥
यो वै रुद्रः स भगवान् यश्च सर्वेन्द्रियाणि वै नमो नमः ॥ ६४॥
यो वै रुद्रः स भगवान् यश्च कालस्तस्मै वै नमो नमः ॥ ६५॥
यो वै रुद्रः स भगवान् यश्च मृत्युस्तस्मै वै नमो नमः ॥ ६६॥
यो वै रुद्रः स भगवान् यच्च भूतं भविष्यत् वै नमो नमः ॥ ६७॥
ओमादौ च तथान्ते च भूर्भुवः स्वस्त्रिरीरितः ॥ ६८॥
बह्मैकं त्वं त्रिधोर्ध्वं त्वं गतिः पुष्टिर्महेश्वरः ।
विश्वविश्वं च विश्वातीतस्त्वं हुतं प्रहुतमेव च ॥ ६९॥
कृतं चाकृतमेतच्च परमं च परायणम् ॥ ७०॥
नारायणादिजनको ह्यर्यम्णो वरुणस्य च ।
जनिता त्वं तथा वायोर्द्यावाभूम्योर्महेश्वर ॥ ७१॥
सर्वेशः सर्वसाक्षी च सर्व एव त्वमेव हि ।
अग्राह्यः सर्वभूतेषु सर्वेन्द्रियगुणातिगः ॥ ७२॥
अलिङ्गोऽस्य शरीरस्त्वं व्यापकश्च सनातनः ।
वामनं त्वां महादेवं सर्वदेवा उपासते ॥ ७३॥
त्वत्तो जातं जगच्छम्भो स्थितं त्वय्येव लीयते ।
त्वत्तो नास्ति पृथक् किञ्चित् न भिन्नं परमार्थतः ॥ ७४॥
नेह नानास्ति किञ्चिद्वै त्वदधिष्ठितमेव हि ।
त्वामविज्ञाय दुर्मेधाः कृतकृत्योऽभिमन्यते ॥ ७५॥
सर्वभूताधिकश्चात्मा कोशातीतो महेश्वरः ।
महाग्रासः स एवेशो ब्रह्क्षत्रं तदोदनम् ॥ ७६॥
कालकालस्य देवस्य मृत्योरेवोपसेचनम् ।
ब्रह्मपुच्छं प्रतिष्ठा च शान्तिरक्षरमेव च ॥ ७७॥
हृदयं पुरुषो रुद्रस्तिस्रो मात्राः परस्तु सः ।
ओङ्कारप्रणवो व्यापी अनन्तो व्यापको विभुः ॥ ७८॥
तारं सूक्ष्मं वैद्युतं च शुक्लं सर्वशरीरगः ।
ईशानो भगवान् रुद्रो महादेवः स एव हि ॥ ७९॥
परं ब्रह्म परं धाम परः पारः परायणः ।
विशोको निर्गुणश्चायं महात्मा विश्वतोमुखः ॥ ८०॥
सर्वान्तरः सर्वसाक्षी एष रुद्रो महेश्वरः ।
स एव कर्ता जगतां नान्यो विष्ण्वादयः सुराः ॥ ८१॥
न च ब्रह्मा न चैवेन्द्रो नाग्निसूर्यानिलाःसुराः ।
यस्य शक्तिर्विचित्रास्य जगतः कारणं हरः ॥ ८२॥
॥ इति शिवरहस्यान्तर्गते अथर्ववेदकृता शिवस्तुतिः सम्पूर्णा ॥
- ॥ श्रीशिवरहस्यम् । ईशाख्यः द्वादशमांशः । अध्यायः ४ सामवेदाथर्ववेदकृतस्तुतिः । ३३-८२ ॥
- .. shrIshivarahasyam . IshAkhyaH dvAdashamAMshaH . adhyAyaH 4 sAmavedAtharvavedakRRitastutiH . 33-82 ..
Notes:
Atharvaveda अथर्ववेद; delivers at the site of DakṣaYajña दक्षयज्ञ, a eulogy in favor of Śiva शिव.
Proofread by Ruma Dewan