Banasurakritam Rudra Stotram

बाणासुरकृतं रुद्रस्तोत्रम्

(बाणासुर उवाच ) प्रतिजन्म महादेव त्वत्पादनिरतो ह्यहम् । तोटकच्छन्दसा देव स्तौमि त्वां परमेश्वर ॥ ६६॥ शिव-शङ्कर-शर्व-हराय नमो भव भीम महेश्वर सर्व नमः । कुसुमायुधदेहविनाशकर त्रिपुरान्तक अन्धकशूलधर ॥ ६७॥ प्रमदाप्रि कान्त विरक्त नमः ससुरासुरसिद्धगणैर्नमित । हयवानरसिंहगजेन्द्रमुखैरतिह्रस्वसुदीर्घविशालमुखैः ॥ ६८॥ उपलब्धुमशक्यतरैरसुरैः प्रथितोऽस्मि च बाहुशतैर्बहुभिः । प्रणतोऽस्मि भवं भवभक्तिरतश्चलचन्द्रकलाङ्कुर देव नमः ॥ ६९॥ न च पुत्रकलत्रहयादि धनं मम तु त्वदनुस्मरणं शरणम् । व्यथितोऽस्मि शरीरशतैर्बहुभिर्गमिता च महानरकस्य गतिः ॥ ७०॥ न निवर्तति जन्म न पापमतिः शुचिकर्म निबद्धमपि त्यजति । अनुकम्पति विभ्रमति त्रसति मम चैव कुकर्म निवारयति ॥ ७१॥ यः पठेत्तोटकं दिव्यं प्रयतः शुचिमानसः । बाणस्येव यथा रुद्रस्तस्यापि वरदो भवेत् ॥ ७२॥ इति मत्स्यपुराणे अष्टास्यधिकशततमाध्यायान्तर्गता बाणासुरकृता शिवस्तुतिः समाप्ता । मत्स्यपुराण । अध्याय १८८/६७-७२॥ matsyapurANa . adhyAya 188/67-72.. Proofread by PSA Easwaran