ब्रह्माविष्ण्वादिदेवैः कृता ३ शिवस्तुतिः
(शिवरहस्यान्तर्गते ईश्वराख्ये)
देवाः ऊचुः ।
शम्भो शरण्य करुणार्णव देवदेव
हे व्योमकेश वरसामगणस्तुताद्य ।
भूमा त्वमेव महिमालय चन्द्रचूड
भामार्धकाय जितकाम शिवोग्र भीम ॥ ९॥
उत्तुङ्गलिङ्ग भुजगाङ्ग स्फुरत्स्फुलिङ्ग
मातङ्गभोगिलसिताङ्ग शशाङ्कमौले ।
भस्माङ्गसङ्ग भवभङ्ग महेशलिङ्ग
व्योमाङ्गसङ्गजनिताङ्ग सुखादिसङ्ग ॥ १०॥
शिखि शशि दिननाथ लोलनेत्र
प्रथितश्रोत्रविलोचनोरुहार ।
अव भव भगवन् सनातनाद्य
त्रिभुवननाथ सनाथयाशु चास्मान् ॥ ११॥
शिव शिव शङ्कर मारमार शम्भो
भवभव देव महेश आद्यवैद्य
गरधर चारुशशाङ्कशेखरेश
त्रिपुरोद्यानहराऽऽद्य शर्व पाहि ॥ १२॥
॥ इति शिवरहस्यान्तर्गते ब्रह्माविष्ण्वादिदेवैः कृता शिवस्तुतिः ३ सम्पूर्णा ॥
- ॥ श्रीशिवरहस्यम् । ईश्वराख्यः दशमांशः । अध्यायः २१ । ९-१४॥
- .. shrIshivarahasyam . IshvarAkhyaH dashamAMshaH . adhyAyaH 21 . 9-14..
Notes:
Brahmā ब्रह्मा, Viṣṇu विष्णु, Indra इन्द्र et al Deva-s देवाः; collectively eulogize Śiva शिव during the episode of TripurāSaṃhāra त्रिपुरसंहार.
Proofread by Ruma Dewan