Budhakritam Shiva Stotram

बुधकृतं शिवस्तोत्रम्

(जटेश्वर लिङ्ग) बुध उवाच । नमः पूतात्मने तुभ्यं ज्योतीरूप नमोऽस्तु ते । विश्वरूप नमस्तुभ्यं रूपातीताय ते नमः ॥ १॥ नमः सर्वार्तिनाशाय प्रणतानां शिवात्मने । सर्वज्ञाय नमस्तुभ्यं सर्वकर्त्रे नमोऽस्तु ते ॥ २॥ कृपालवे नमस्तुभ्यं भक्तिगम्याय ते नमः । फलदात्रे च तपसां तपोरूपाय ते नमः ॥ ३॥ शम्भो शिव शिवाकान्त शान्त श्रीकण्ठ शूलभृत् । शशिशेखरशर्वेश शङ्करेश्वर धूर्जटे ॥ ४॥ पिनाकपाणे गिरिश शितिकण्ठ सदाशिव । महादेव नमस्तुभ्यं देवदेव नमोऽस्तु ते ॥ ५॥ स्तुतिकर्तुं न जानामि स्तुतिप्रिय महेश्वर । तव पादाम्बुजद्वन्द्वे निर्द्वन्द्वा भक्तिरस्तु मे ॥ ६॥ अयमेव वरो नाथ प्रसन्नोऽसि यदीश्वर । नान्यं वरं वृणे त्वत्तः करुणामृतवारिधे ॥ ७॥ ततः प्राह महेशानस्तत्स्तुत्या परितोषितः । रौहिणेय महाभाग सौम्य सौम्यवचोनिधे ॥ ८॥ इति श्रीस्कादपुराणे काशीखण्डे पूर्वार्द्धे पञ्चदशा- ध्यायान्तर्गतं बुधकृतं शिवस्तोत्रं समाप्तम् । स्कन्दपुराण । काशीखण्ड । पूर्वखण्ड १ । अध्याय १५/५५-६१॥ skandapurANa . kAshIkhaNDa . pUrvakhaNDa 1 . adhyAya 15/55-61.. Proofread by PSA Easwaran