Chandrakritam 2 Shiva Stotram

चन्द्रकृतं २ शिवस्तोत्रम्

चन्द्र उवाच । नास्ति शर्वसमो देवो नास्ति शर्वसमा गतिः । नास्ति शर्वसमो देवो नास्ति शर्वसमा गतिः ॥ १॥ यं पठन्ति सदा साङ्ख्याश्चितयन्ति च योगिनः । परं प्रधानं पुरुषं तस्मै ज्ञेयात्मने नमः ॥ २॥ उत्पत्तौ च विनाशे च कारणं यं विदुर्बुधाः । देवासुरमनुष्याणां तस्मै ज्ञानात्मने नमः ॥ ३॥ यमव्ययमनाद्यन्तं यं नित्यं शाश्वतं ध्रुवम् । निष्कलं परमं ब्रह्म तस्मै योगात्मने नमः ॥ ४॥ यः पवित्रं पवित्राणामादिदेवो महेश्वरः । पुनाति दर्शनादेव तस्मै तीर्थात्मने नमः ॥ ५॥ यतः प्रवर्त्तते सर्वं यस्मिन्सर्वं विलीयते । पालयेद्यो जगत्सर्वं तस्मै सर्वात्मने नमः ॥ ६॥ अनिष्टोमादिभिर्यज्ञैर्यं यजन्ति द्विजातयः । सम्पूर्णदक्षिणैरेव तस्मै यज्ञात्मने नमः ॥ ७॥ इति श्रीस्कन्दपुराणे प्रभासखण्डे प्रभासक्षेत्रमाहात्म्ये चतुर्विंशाध्यायान्तर्गतं चन्द्रकृतं शिवस्तोत्रं समाप्तम् । स्कन्दपुराण । प्रभासखण्ड । अध्याय २४/६-१२॥ skandapurANa . prabhAsakhaNDa . adhyAya 24/6-12.. Proofread by PSA Easwaran