Devadibhih Kritam 4 Shiva Stotram

देवादिभिः कृतं ४ शिवस्तोत्रम्

त्र्यम्बकेणाभ्यनुज्ञातास्ततस्तेऽस्वस्थचेतसः । नमो नमस्तेऽस्तु विभो तत इत्यब्रुवन्भवम् ॥ ४४॥ नमो देवातिदेवाय धन्विने चातिमन्यवे । प्रजापतिमखघ्नाय प्रजापतिभिरीड्यसे ॥ ४५॥ नमः स्तुताय स्तुत्याय स्तूयमानाय मृत्यवे । विलोहिताय रुद्राय नीलग्रीवाय शूलिने ॥ ४६॥ अमोघाय मृगाक्षाय प्रवरायुधयोधिने । दुर्वारणाय शुक्राय ब्रह्मणे ब्रह्मचारिणे ॥ ४७॥ ईशानायाप्रमेयाय नियन्त्रे चर्मवाससे । तपोनित्याय पिङ्गाय व्रतिने कृत्तिवाससे ॥ ४८॥ वनस्पतीनां पतये नराणां पतये नमः । गवां च पतये नित्यं यज्ञानां पतये नमः ॥ ५०॥ नमोऽस्तु ते ससैन्याय त्र्यम्बकायोग्रतेजसे । मनोवाक्कर्मभिर्देव त्वां प्रपन्नान्भजस्व नः ॥ ५१॥ इति महाभारते कर्णपर्वणि २४ अध्यायान्तर्गतं देवादिभिः कृतं शिवस्तोत्रं सम्पूर्णम् । महाभारत । कर्णपर्व । अध्याय २४/४५-५१॥ mahAbhArata . karNaparva . adhyAya 24/45-51.. Proofread by PSA Easwaran