Devaih Krita Rudra Stuti

देवैः कृता रुद्रस्तुतिः

देवा ऊचुः । नमो भवाय शर्वाय रुद्राय वरदाय च । पशूनां पतये नित्यमुग्राय च कपर्दिने ॥ २१॥ महादेवाय भीमाय त्र्यम्बकाय च शान्तये । ईशानाय भयघ्नाय नमस्त्वन्धकघातिने ॥ २२॥ नीलग्रीवाय भीमाय वेधसे वेधसा स्तुते । कुमारशत्रुनिघ्नाय कुमारजनकाय च ॥ २३॥ विलोहिताय धूम्राय वराय क्रथनाय च । नित्यं नीलशिखण्डाय शूलिने दिव्यशायिने ॥ २४॥ उरगाय त्रिनेत्राय हिरण्यवसुरेतसे । अचिन्त्यायाम्बिकाभर्त्रे सर्वदेवस्तुताय च ॥ २५॥ वृषध्वजाय मुण्डाय जटिने ब्रह्मचारिणे । तप्यमानाय सलिले ब्रह्मण्यायाजिताय च ॥ २६॥ विश्वात्मने विश्वसृजे विश्वमावृत्य तिष्ठते । नमोऽस्तु दिव्यरूपाय प्रभवे दिव्यशम्भवे ॥ २७॥ अभिगम्याय काम्याय स्तुत्यायार्च्याय सर्वदा । भक्तानुकम्पिने नित्यं दिशते यन्मनोगतम् ॥ २८॥ इति मत्स्यपुराणे द्वात्रिंशदधिकशततमाध्यायान्तर्गता देवैः कृता रुद्रस्तुतिः समाप्ता । मत्स्यपुराण । अध्याय १३२/२१-२८॥ पद्मपुराण । सृष्टिखण्ड । अध्याय ३८/१३५-१४५॥ matsyapurANa . adhyAya 132/21-28.. padmapurANa . sRRiShTikhaNDa . adhyAya 38/135-145.. matsyapurANa . adhyAya 132/21-28.. Proofread by PSA Easwaran