देवैः कृता शिवस्तुतिः १०
(शिवरहस्यान्तर्गते ईशाख्ये)
देवा ऊचुः ।
जय जय देव महेश दयावनलोलदृशा परिपाहि विभो ।
तारकहारक सङ्गयुतोद्भवकारणशङ्कर पाहि सदा ॥ २४॥
जय जय पन्नगभूषणसन्नगवाससदाशिव पालय नः ।
तारकजन्य सुसम्भ्रमखेदं पाकुरुतात् करुणालय नः ॥ २५॥
जय जय विभ्रविनोदनदक्ष यमान्धकसूदन पाहि दृशा ।
तारकसङ्गरपातकहर वरसुरतामुद्धर भूरिकृप ॥ २६॥
जय जय विश्वविधायक सायकपापनिवारक पाहि सदा ।
तारकजन्यविषादविनाशक शशिधरशेखर पाहि सदा ॥ २७॥
जय जय हे महेश्वर शङ्कर कुरुकुरु करुणां शशिमौले ।
तारकसैन्यविदारणसारशरासनधारक मारसम ॥ २८॥
जय जय पाहि मुदा करुणाकर दुस्तरतारक दुःखकुलम् ।
पापमपाकुरु करुणां कुरु शिव पाहि सदाशिव देवकुलम् ॥ २९॥
॥ इति शिवरहस्यान्तर्गते देवैः कृता १० शिवस्तुतिः सम्पूर्णा ॥
- ॥ श्रीशिवरहस्यम् । ईशाख्यः द्वादशमांशः । अध्यायः २१ कुमारसम्भवः । २४-२९ ॥
- .. shrIshivarahasyam . IshAkhyaH dvAdashamAMshaH . adhyAyaH 21 kumArasambhavaH . 24-29 ..
Notes:
Deva-s देवाः eulogize Śiva शिव at MandāraParvata मन्दारपर्वत, expecting the birth of Kumāra कुमार who would save them from the atrocities of Tārakāsura तारकासुर.
Proofread by Ruma Dewan