Devaih Kritam 06 Shiva Stotram

देवैः कृतं ६ शिवस्तोत्रम्

देवा ऊचुः । नमो नमोऽविशेषस्त्वं त्वं ब्रह्म त्वं पिनाकधृक् । इन्द्रस्त्वमग्निः पवनो वरुणः सविता यमः ॥ ६९॥ वसवो मरुतः साध्या विश्वेदेवगणा भवान् योऽयं तवाग्रतो देव समीपं देवतागणः । स त्वमेव जगत्स्रष्टा यतः सर्वगतो भवान् ॥ ७०॥ त्वं यज्ञस्त्वं वषट्कारस्त्वमोङ्कारः प्रजापतिः । विद्या वेद्यं च सर्वात्मँस्त्वन्मयं चाखिलं जगत् ॥ ७१॥ त्वामार्त्ताः शरणं विष्णो प्रयाता दैत्यनिर्जिताः । वयं प्रसीद सर्वात्मँस्तेजसाऽऽप्याययस्व नः ॥ ७२॥ तावदार्त्तिस्तथा वाञ्छा तावन्मोहस्तथा मुखम् । यावन्न याति शरणं त्वामशेषौघनाशनम् ॥ ७३॥ त्वं प्रसादं प्रसन्नात्मन् प्रपन्नानां कुरुष्व नः । तेजसां नाथ सर्वेषां स्वशक्त्याऽऽप्यायनं कुरु ॥ ७४॥ इति विष्णुपुराणे प्रथमभागे नवमाध्यायान्तर्गतं देवैः कृतं शिवस्तोत्रं समाप्तम् । विष्णुपुराण । अध्याय १/९/६९-७४॥ viShNupurANa . adhyAya 1/9/69-74.. Proofread by PSA Easwaran