Devaih Kritam 15 Shiva Stotram

देवैः कृतं १५ शिवस्तोत्रम्

देवा ऊचुः । ब्रह्मविष्ण्विन्द्रचन्द्रादिसुराः सर्वे महर्षयः । दितिजाद्याः सम्प्रसूतास्त्वत्तस्सर्वे महेश्वर ॥ २४॥ ब्रह्मविष्णुमहेन्द्राश्च सूर्याद्यानसुरान्सुराम् । त्वं वै सृजसि पास्यत्सि त्वमेव सकलेश्वरः ॥ २५॥ यतो हरसि संसारं हर इत्युच्यते बुधैः । निगृहीतो हरिर्यस्माद्धर इत्युच्यते बुधैः ॥ २६॥ यतो बिभर्षि सकलं विभज्य तनुमष्टधा । अतोऽस्मान्पाहि भगवन् सुरादानैरभीप्सितैः ॥ २७॥ त्वं महापुरुषः शम्भुः सर्वेशस्सुरनायकः । निःस्वात्मा निर्विकारात्मा परब्रह्म सतां गतिः ॥ २८॥ दीनबन्धुर्दया सिन्धुऽरद्भुतोऽतिपरात्मदृक् । प्राज्ञो विराड्विभुस्सत्यः सच्चिदानन्दलक्षणः ॥ २९॥ इति शिवपुराणे शतरुद्रसंहितायां द्वादशाध्ययान्तर्गतं देवैः कृतं शिवस्तोत्रं समाप्तम् । शिवपुराण । शतरुद्रसंहिता । अध्याय १२/२४-२९॥ shivapurANa . shatarudrasaMhitA . adhyAya 12/24-29.. Proofread by PSA Easwaran