Devaih Kritam 20 Shiva Stotram

 देवैः कृतं २० शिवस्तोत्रम् 

ईशानेशान ईशान तत्पुरुष नमोऽस्तु ते ।
नमो वाम महाघोर सद्योमुख नमो नमः ॥ १५॥

त्र्यक्ष भर्ग महादेव उमाकान्त नमो नमः ।
नमः शिव नमो भीम नमः सर्व नमो नमः ॥ १६॥

नमः शम्भो नमो रुद्र विरूपाक्ष नमो नमः ।
त्वया देव प्रजाः सर्वाः सदेवासुरमानुषाः ॥ १७॥

स्थावराणि च भूतानि जङ्गमानि चराणि च ।
ब्रह्म वेदाश्च वेद्यं च त्वया सृष्टं महेश्वर ॥ १८॥

शिरस्ते गगनं देवा नेत्रे शशिदिवाकरौ ।
निःश्वासः पवनश्चापि तेजोऽग्निश्च तवाच्युतः ॥ १९॥

बाहवस्ते दिशः सर्वाः कुक्षिश्चैव महार्णवः ।
ऊरू ते पर्वता देव चरणौ पृथिवी मता ॥ २.१६.२०॥

इन्द्रसोमाग्निवरुणा देवासुरमहोरगाः ।
प्रह्वास्त्वामनुतिष्ठन्ति स्तुवन्तो विविधैः स्तवैः ॥ २१॥

त्वया व्याप्तानि भूतानि सर्वाणि भुवनेश्वर ।
त्वयि तुष्टे जगत्तुष्टं त्वयि क्रुद्धे महद्भयम् ॥ २२॥

भयानामपनेतासि त्वमेकः शत्रुसूदनः ।
असुराणां समर्थानां विनाशश्च त्वया कृतः ॥ २३॥

न च विक्रमणैर्देव निर्वाणमगमत्परम् ।
त्वं हि कर्त्ता विकर्त्ता च भूतानामिह सर्वशः ॥ २४॥

आराधयित्वा सर्वे ते नमस्यन्ति च सर्वशः ॥

इति श्रीस्कन्दपुराणे आवन्त्यखण्डे चतुरशीतिलिङ्गमाहात्म्ये षोडषाध्यायान्तर्गतं
         देवैः कृतं शिवस्तोत्रं समाप्तम् ।

स्कन्दपुराण । आवन्त्यखण्ड । रेवाखण्ड । अध्याय १९३/१६-४७॥


skandapurANa . AvantyakhaNDa . revAkhaNDa . adhyAya 193/16-47..

Proofread by PSA Easwaran