Devaih Kritam 23 Shiva Stotram

देवैः कृतं २३ शिवस्तोत्रम्

देवा ऊचुः । नमस्ते देवदेवेश भक्तानामभयङ्कर । नमस्ते सर्ववासाय सर्वयज्ञमयाय च ॥ २४॥ सर्वेश्वराय देवाय परमज्योतिषे नमः । नमः स्थूलाय सूक्ष्माय ज्ञानगम्याय वेधसे ॥ २५॥ त्र्यम्बकाय च भीमाय पिनाकवरपाणये । त्वयि सर्वमिदं प्रोतं सूत्रे मणिगणा इव ॥ २६॥ संसारे विबुधश्रेष्ठ जगत्स्थावरजङ्गमम् । न तदस्ति त्रिलोकेऽस्मिन्सुसूक्ष्ममपि शङ्कर । यत्त्वया न प्रभो व्याप्तं सृष्टिसंहारकारणात् ॥ २७॥ पृथिव्यादीनि भूतानि त्वया सृष्टानि कामतः । यास्यन्ति तानि भूयोऽपि तव काये जगत्पते ॥ २८॥ प्रसीद भगवंस्तस्माल्लिङ्गमेतत्सुरेश्वर । स्थाने स्थापय भद्रं ते यावन्न स्यात्प्रजाक्षयः ॥ २९॥ इति श्रीस्कन्दपुराणे प्रभासखण्डे अर्बुदखण्डे एकोनचत्वारिंशाध्यायान्तर्गतं देवैः कृतं शिवस्तोत्रं समाप्तम् । स्कन्दपुराण । प्रभासखण्ड । अर्बुदखण्ड । अध्याय ३९/२४-२९॥ skandapurANa . prabhAsakhaNDa . arbudakhaNDa . adhyAya 39/24-29.. Proofread by PSA Easwaran