Devaih Kritam Mahakala Stotram

देवैः कृतं महाकालस्तोत्रम्

(मेघनादेश्वर लिङ्ग) महाकालवने प्राप्ता यत्रास्ते लिङ्गमुत्तमम् । तुष्टुवुः परया भक्त्या दृष्ट्वा देवं मनोरमम् ॥ २४॥ नमस्तेऽस्तु महेशाय नमोऽनन्ताय मालिने । नमस्तैजसमूर्त्ताय नमः सौन्दर्यशालिने ॥ २५॥ नमो योगाय वेदाय नमः पिङ्गजटाय ते । अनन्तज्ञानदेहाय नम ईश्वरमूर्त्तये ॥ २६॥ नमः शुभ्राट्टहासाय नमस्तेऽस्तु शिखण्डिने । शङ्कराय नमस्तेऽस्तु नमस्तेऽस्तु पिनाकिने ॥ २७॥ नमोऽन्तकाय भव्याय त्र्यम्बकायास्तु ते नमः । नमस्ते बहुरूपाय नमस्तेऽचिन्त्यमूर्त्तये ॥ २८॥ नमो योगशरीराय नमस्ते सर्व सर्वदा । नष्टं देव जगत्सर्वमनावृष्ट्या प्रपीडितम् ॥ २९॥ सुवृष्ट्या देवदेवेश पाहि नः शरणागतान् ॥ इति श्रीस्कन्दपुराणे आवन्त्यखण्डे चतुरशीतिलिङ्गमाहात्म्ये त्रयोविंशाध्यायान्तर्गतं देवैः कृतं महाकालस्तोत्रं समाप्तम् । स्कन्दपुराण । आवन्त्यखण्ड । चतुरशीतिखण्ड । अध्याय २३/२४-२९॥ skandapurANa . AvantyakhaNDa . chaturashItikhaNDa . adhyAya 23/24-29.. Proofread by PSA Easwaran