Dharmakritam Mahadeva Stotram

धर्मकृतं महादेवस्तोत्रम्

धर्म उवाच । प्रणमामि जगन्नाथमीशानं प्रणवात्मकम् । समस्तदेवतारूपमादिमध्यान्तवर्जितम् ॥ ५५॥ ऊर्ध्वरेतं विरूपाक्षं विश्वरूपं नमाम्यहम् । समस्तजगदाधारमनन्तमजमव्ययम् ॥ ५६॥ यमामनन्ति योगीन्द्रास्तं वन्दे पुष्टिवर्धनम् । नमो लोकाधिनाथाय वञ्चते परिवञ्चते ॥ ५७॥ नमोऽस्तु नीलकण्ठाय पशूनां पतये नमः । नमः कल्मषनाशाय नमो मीढुष्टमाय च ॥ ५८॥ नमो रुद्राय देवाय कद्रुद्राय प्रचेतसे । नमः पिनाकहस्ताय शूलहस्ताय ते नमः ॥ ५९॥ नमश्चैतन्यरूपाय पुष्टीनां पतये नमः । नमः पञ्चास्यदेवाय क्षेत्राणां पतये नमः ॥ १.३.६०॥ इति श्रीस्कन्दपुराणे ब्रह्मखण्डे सेतुखण्डे तृतीयाध्यायान्तर्गतं धर्मकृतं महादेवस्तोत्रं समाप्तम् । स्कन्दपुराण । ब्राह्मखण्ड । सेतुखण्ड । अध्याय ३/५५-६०॥ skandapurANa . brAhmakhaNDa . setukhaNDa . adhyAya 3/55-60.. Proofread by PSA Easwaran