कमलिनिकृता शिवस्तुतिः
(शिवरहस्यान्तर्गते सदाशिवाख्ये)
कमलिन्युवाच ।
चन्द्रभानुकृशानुलोचन सर्वपावननाम भुवनविराम
बुधजनसामस्तुतवरसाम मदनशमन गराशन
को नु वेद महिमानमीश्वर तेऽम्बुजासनवारिजेणा-
वपीह वञ्चितौ मौलिमूलविलोकनेऽपि च कस्स्तवे-
मतिमीहते मामवेश अनङ्गसङ्गशरार्दिताङ्गाङ्गना-
मङ्गनार्धकृतार्धगात्र शिव त्रिणेत्र पवित्र माम् ॥ १५॥
उद्वृत्तोद्धतक्षपक्षसुरतामिक्षाभुजाध्यक्षक ध्वाङ्क्षाङ्ग-
प्रभदैत्यहन्तृमदभित्सन्धुक्षिताधोक्षज ।
उक्षाधीश्वरकेतन स्मरहरापाङ्गेक्षण त्वां भजे
वृक्षाणामधिपं वलक्षभसिपाराङ्गवक्षाक्षतम् ॥ १६॥
मखमुख शशिशाखाखाशेखरोद्वृत्तलेखा
सुखविशिखमयूरवास्त्यक्त दुःखाखुवाहाः ।
शिखिवहमुखनेत्रोत्तेजिपद्मोरुमाला-
विकसनसुखगोल्कं त्वां भजे खण्डपर्शुम् ॥ १७॥
यज्ञेश विज्ञानद दक्षयज्ञ-
विनाशकाज्ञानविकर्तनेश ।
त्वदाज्ञयाऽयं विधिविष्णुसर्गः
संवर्तते ज्ञापय मां विमुक्त्यै ॥ १८॥
पवनानलदाशुषात्मकोऽसि खङ्गा (गोख)
तपनेन्दुतनुभाक्त्वमेव शम्भो ।
तवमूर्तिभिराभिरेव लोकं
शिव धत्से क्व नु तेऽस्ति वर्णनाशः ॥ १९॥
॥ इति शिवरहस्यान्तर्गते कमलिनिकृता शिवस्तुतिः सम्पूर्णा ॥
- ॥ श्रीशिवरहस्यम् । सदाशिवाख्यः नवमांशः । अध्यायः १९ सुन्दराय शिवस्थाननिदेशः । १५-१९॥
- .. shrIshivarahasyam . sadAshivAkhyaH navamAMshaH . adhyAyaH 19 sundarAya shivasthAnanideshaH . 15-19..
Notes:
Kamalini कमलिनि; one of the attendants of Pārvatī पार्वती, eulogizes and prays to Śiva शिव in Kailāsa कैलास.
Proofread by Ruma Dewan