Shri Namahshivayaragada

 श्रीनमःशिवायरगडा 
श्रीकराय दन्तिचर्मचेलिने नमः शिवाय ।
भाकराय भक्तलोकपालिने नमः शिवाय ॥ १॥

कारणादिकारणात्मकाय ते नमः शिवाय ।
दारुणासुरेन्द्रगर्वदाय ते नमः शिवाय ॥ २॥

भूतनायकाय लिप्तभूत ते नमः शिवाय ।
सूतकार्यकृत्पयोजसूत ते नमः शिवाय ॥ ३॥

पाहि मां महेश शर्व भर्ग ते नमः शिवाय ।
वाहनाय मानवेदवर्ग ते नमः शिवाय ॥ ४॥

साम्ब नीलकण्ठ देवशरण ते नमः शिवाय ।
साम्बजनकवन्द्यमानचरण ते नमः शिवाय ॥ ५॥

काशिनाथ वरद रक्षकाय ते नमः शिवाय ।
काशमल्लिकाप्रकाशकाय ते नमः शिवाय ॥ ६॥

राजताचलेन्द्रमन्दिराय ते नमः शिवाय ।
राजखण्डभृच्छिखान्तराय ते नमः शिवाय ॥ ७॥

मोक्षदायकाय धन्य (दैव)मुख्य ते नमः शिवाय ।
साक्षिमात्रकाय (विष्णुसख्य) ते नमः शिवाय ॥ ८॥

भृङ्गिताण्डवप्रियाय भीम ते नमः शिवाय ।
गाङ्गवारिमस्त वीथिकाण्ड(वीतकाम) ते नमः शिवाय ॥ ९॥

जातरूपभूत रुद्र (भूधरेन्द्र) चाप ते नमः शिवाय ।
सूतकालहस्तिवरदरूप ते नमः शिवाय ॥ १०॥

गिरिश वारिवाहमार्गकेश ते नमः शिवाय ।
गरलकण्ठ सत्य चित्प्रकाश ते नमः शिवाय ॥ ११॥

अम्बराम्बराय भुजगहार ते नमः शिवाय ।
अम्बुजाक्षधीरताप्रहार ते नमः शिवाय ॥ १२॥

पङ्कजोदरार्चनार्हपाद ते नमः शिवाय ।
किङ्किणीकृतप्रदानकाद ते नमः शिवाय ॥ १३॥

सुरसरित्तरङ्गसङ्गिजूट ते नमः शिवाय ।
गुरुशिरोधिसंस्थ कालकूट ते नमः शिवाय ॥ १४॥

दक्षसवनहरणकार्यदक्ष ते नमः शिवाय ।
पक्षिवाहनेत्रगर्भपक्ष ते नमः शिवाय ॥ १५॥

वारणासुरारिवस्त्रशर्म ते नमः शिवाय ।
सारघोरतरहरास्त्रशस्त्र ते नमः शिवाय ॥ १६॥

करसरोरुहप्रभासकमल ते नमः शिवाय ।
गरुडवाहनेत्रपादकमल ते नमः शिवाय ॥ १७॥

हरिणभानुलपनमन्दहास ते नमः शिवाय ।
वरमुनीन्द्रहृदयपद्मवास ते नमः शिवाय ॥ १८॥

दारुकाटवीविटप्रदार (प्रचार) ते नमः शिवाय ।
तारकेश्वरार्धचन्द्रधार ते नमः शिवाय ॥ १९॥

आजवन्द्यवदनदावहारिणे नमः शिवाय ।
काजलाभिषेकसौख्यकारिणे नमः शिवाय (?) ॥ २०॥

दासदोषदुःखगहनदहन ते नमः शिवाय ।
वासदुदर(वासवादि)लोकजालवहन ते नमः शिवाय ॥ २१॥

कञ्जभवकपालमालिकाय ते नमः शिवाय ।
कञ्जभवभवादिगीतकाय ते नमः शिवाय ॥ २२॥

रतिरतीशकोटिसुन्दराय ते नमः शिवाय ।
नतसुरारिभिद्विरिञ्चनाय ते नमः शिवाय ॥ २३॥

निरतकृतनिशामुखोरुनृत्य ते नमः शिवाय ।
धरधरीगुहास्तदुष्टदैत्य ते नमः शिवाय ॥ २४॥

हर शिवाभवान्धकापहार ते नमः शिवाय ।
दुरितजननमरणदुःखदूर ते नमः शिवाय ॥ २५॥

शैवचित्पुरस्थपारिजात ते नमः शिवाय ।
सावधानतादितेयजात ते नमः शिवाय ॥ २६॥

हंसकोटिकोटिसुप्रभाङ्ग ते नमः शिवाय ।
कंसवैरिसेव्यमस्तकाङ्ग ते नमः शिवाय ॥ २७॥

श्रीदमित्रपुरसुरारिशिक्ष ते नमः शिवाय ।
साधका(सादरा)मृतस्फुरत्कटाक्ष ते नमः शिवाय ॥ २८॥

दिनकरेन्दुवह्निमुख्यदेह ते नमः शिवाय ।
वनजभवमुखादिवृषभवाह ते नमः शिवाय ॥ २९॥

नीरजाप्तवह्निसोमनेत्र ते नमः शिवाय ।
नीरदोपमानकृत्तिनेत्र ते नमः शिवाय ॥ ३०॥

श्वेतभीतभीतिमेघवात ते नमः शिवाय ।
भूतपञ्चकादिहेतुभूत ते नमः शिवाय ॥ ३१॥

शीतपातचन्द्रिकावदात ते नमः शिवाय ।
शातशूलहस्तवारिजात ते नमः शिवाय ॥ ३२॥

भूरिकलुषकाण्डवातपोत ते नमः शिवाय ।
स्मेरमुखगणादिसुतसमेत ते नमः शिवाय ॥ ३३॥

दुरितहरण परमहंसरूप ते नमः शिवाय ।
तरुणहरिणलाञ्छनावतंस ते नमः शिवाय ॥ ३४॥

पार्वतीनिवासवामभाग ते नमः शिवाय ।
पूर्वनाथदत्तयोग्यभोग्य ते नमः शिवाय ॥ ३५॥

भावसम्भवावलेपभङ्ग ते नमः शिवाय ।
सावधानहृदयहृदयसङ्ग ते नमः शिवाय ॥ ३६॥

सुजनहृदयवारिजातसूर ते नमः शिवाय ।
भजनशीलभवसमुद्रपार ते नमः शिवाय ॥ ३७॥

भल्लहाभिधानदारबाल ते नमः शिवाय ।
सल्ललितकपित्थकान्तिजाल ते नमः शिवाय ॥ ३८॥

वरकरारविन्दहरिण पाक (वाक) ते नमः शिवाय ।
सुरगिरीन्द्रनिलय वीतशोक ते नमः शिवाय ॥ ३९॥

सुरुचिराद्रिजामनोऽर्धचोर ते नमः शिवाय ।
परिहृतानघालिभेदभार ते नमः शिवाय ॥ ४०॥

कम्बलाश्वतरविचित्रगान ते नमः शिवाय ।
साम्ब जूटबन्ध जलविहार ते नमः शिवाय ॥ ४१॥

अभयवरदटङ्कपरशुहस्त ते नमः शिवाय ।
सभयपूर्वदेवताप्रशस्त ते नमः शिवाय ॥ ४२॥

पटुविलासरजतकाण्डभाण्ड ते नमः शिवाय ।
कटिविराजमानचर्मखण्ड ते नमः शिवाय ॥ ४३॥

चटुलमस्तघटितबालचन्द्र ते नमः शिवाय ।
चटुलभुवनकीर्तिसान्द्रचन्द्र ते नमः शिवाय ॥ ४४॥

शमदमादियुक्तभक्तसक्त ते नमः शिवाय ।
प्रमथवचनरचनसानुरक्त ते नमः शिवाय ॥ ४५॥

उरुतराश्वभावगतमहोक्ष ते नमः शिवाय ।
परितभस्मपूर्ण गरलभक्ष ते नमः शिवाय ॥ ४६॥

अम्बुराशिमेखलाञ्चिताङ्ग ते नमः शिवाय ।
शम्बहस्तसुरवरप्रसङ्ग ते नमः शिवाय ॥ ४७॥

कपटनाटकप्रबोधकाय ते नमः शिवाय ।
तपनमण्डलान्तरस्थिताय ते नमः शिवाय ॥ ४८॥

अजगवाख्यचापसङ्ग्रहाय ते नमः शिवाय ।
कजभवादिसेव्यपादुकाय ते नमः शिवाय ॥ ४९॥

सकलनिष्कलामृतद्रुसाल ते नमः शिवाय ।
प्रकटवीतिहोत्रनीलभाल ते नमः शिवाय ॥ ५०॥

नलिनबन्धुकदनभञ्जनाय ते नमः शिवाय ।
कलितवीरभद्रनामकाय ते नमः शिवाय ॥ ५१॥

अखिलजनभयङ्कराट्टहास ते नमः शिवाय ।
अखिलसेवकौघसुखदहास ते नमः शिवाय ॥ ५२॥

लयविलूनपवनमित्ररसन ते नमः शिवाय ।
लयभयामृतामराप्तरसन ते नमः शिवाय ॥ ५३॥

नरहरिप्रकृष्टगर्वहरण ते नमः शिवाय ।
शरभसालुवस्वरूपभरण ते नमः शिवाय ॥ ५४॥

श्रीपञ्चाक्षरमन्त्रमष्टशतसङ्ख्याकस्तवं सर्वदा
      ये श‍ृण्वन्ति पठन्ति पावनजनास्तेषां तु रोगौषधम् ।
वेदान्तोद्भवचिद्विशिष्ट वचसामप्यूहतां दुर्लभं (मनसामप्यूह्यतां)
      विन्दन्तीन्दुकलाधरं च सुतरां सायुज्यमुक्तिं मुदा ॥ ५५॥

॥ इति श्रीनमश्शिवायरगडा सम्पूर्णा ॥


Proofread by Aruna Narayanan