Shri Namaskaradashaka Stotram

 श्रीनमस्कारदशकस्तोत्रम् 
नमः शिवाभ्यां जगदीश्वराभ्यां
      जगत्पतिभ्यां जयविग्रहाभ्याम् ।
जम्भारिमुख्यैरभिवन्दिताभ्यां
      नमो नमः शङ्करपार्वतीभ्याम् ॥ १॥

नमः शिवाभ्यां जटिलालकाभ्यां
      जरामृतित्राणविचक्षणाभ्याम् ।
जनार्दनाब्जोद्भवपूजिताभ्यां
      नमो नमः शङ्करपार्वतीभ्याम् ॥ २॥

नमः शिवाभ्यां कलिनाशकृद्भयां
      कारुण्यकल्याणवपुर्धराभ्याम् ।
कैलासशैलाख्यनिकेतनाभ्यां
      नमो नमः शङ्करपार्वतीभ्याम् ॥ ३॥

नमः शिवाभ्यां वृषवाहनाभ्यां
      विरिञ्चिविश्वम्भरपूजिताभ्याम् ।
विभूतिपाधीरविलोचनाभ्यां
      नमो नमः शङ्करपार्वतीभ्याम् ॥ ४॥

नमः शिवाभ्यामतिसुन्दराभ्यां
      अत्यन्तमासक्तवपुर्धराभ्याम् ।
अशेषलोकैकशिवङ्कराभ्यां
      नमो नमः शङ्करपार्वतीभ्याम् ॥ ५॥

नमः शिवाभ्यां रविलोचनाभ्यां
      रवीन्दुवैश्वानरलोचनाभ्याम् ।
राकाशशिस्तोममुखाम्बुजाभ्यां
      नमो नमः शङ्करपार्वतीभ्याम् ॥ ६॥

नमः शिवाभ्यां शशिशेखराभ्यां
      समस्तसम्पत्परिपूरिताभ्याम् ।
समस्तविद्याभिरुपासिताभ्यां
      नमो नमः शङ्करपार्वतीभ्याम् ॥ ७॥

नमः शिवाभ्यां नयनोत्सुकाभ्यां
      नमस्कृताभीष्टवरप्रदाभ्याम् ।
नारायणेनार्चितपादुकाभ्यां
      नमो नमः शङ्करपार्वतीभ्याम् ॥ ८॥

(९ श्रीमच्छङ्करभगवत्पादकृतसौन्दर्यलहर्यामादिमः श्लोकोऽयम्)
नमः शिवाभ्यां नवयौवनाभ्यां
      परस्पराश्लिष्टवपुर्धराभ्याम् ।
नगेन्द्रकन्यावृषकेतनाभ्यां
      नमो नमः शङ्करपार्वतीभ्याम् ॥ ९॥

नमः शिवाभ्यामशिवापहाभ्यां
      अशेषकल्याणविशेषिताभ्याम् ।
असम्भवाभ्यां श्रुतिसम्भवाभ्यां
      नमो नमः शङ्करपार्वतीभ्याम् ॥ १०॥

नमस्कारात्मकं स्तोत्रं व्यासेन परिकीर्तितम् ।
यः पठेच्छ्रावयेद्भक्त्या सर्वान् कामानवाप्नुयात् ॥ ११॥

॥ इति श्रीवेदव्यासकृतं नमस्कारदशकस्तोत्रं सम्पूर्णम् ॥


Proofread by Aruna Narayanan