नन्दिकेशकृता शिवस्तुतिः
विधितुङ्गकपालजालमालं सुरसालायितबाहुधृक्त्रिशूलम् ।
गरनीलगलं कलेशमौलिं भज कङ्कालशिवं कृपालवालम् ॥ ३४॥
भज कालानलशैलजातकन्पाकलनालोकनविप्रबालपालम् ।
कलधौतामलशैलमूलवासं जितकालं कुमुदोत्पलोरुमालम् ॥ ३५॥
करीन्द्रपूज्य पूजितं करीन्द्रचर्मधारकं
करीन्द्रमौलिनृत्तकं करीन्द्रदैत्यघातकम् ।
करीन्द्रवाहसंस्तुतं करीन्द्रपूज्यपादुकं
भजे करीन्द्रकाननाधिपं महेश्वरं सदा ॥ ३६॥
॥ इति शिवरहस्यान्तर्गते शिवाख्ये नन्दिकेशकृता शिवस्तुतिः सम्पूर्णा ॥
- ॥ श्रीशिवरहस्यम् । शिवाख्यः चतुर्थांशः । अध्यायः ४ । ३४-३६॥
- .. shrIshivarahasyam . shivAkhyaH chaturthAMshaH . adhyAyaH 4 . 34-36..
Proofread by Ruma Dewan