देवीकृता पञ्चवक्त्रशिवस्तुतिः
सद्योजात महेश शङ्कर विभो खद्योतवत्त्वत्पुरः
स्थातुं न प्रभवो भवन्ति विबुधास्ते सोमसूर्यानलाः ।
विद्योतन्ति कथं सुविद्युत इमास्स्याद्दन्तिनद्योऽपिते
भीताः सागरगा यमानिलमरुन्नाथानलाः(निलाः) पाहि माम् ॥ १॥
वामदेवमुनिदेवगणेन्द्रैर्वासुदेवनयनार्चितपाद ।
भूमिदेवनिकरैरभिपूज्य देवदेव दयया परिपाहि ॥ २॥
(हे) अघोर घोरभवसागरकर्णधार लीलाकृताङ्ग सुरहीर महेश धीर ।
मारमार करवीरसुमाद्य(सुमध्य)स्रग्धरामरवराधिप धीर (धीर) ॥ ३॥
ईशान संहनन भोगितकामिनीन ।
प्रोद्यद्दिवाकरहुताशनशशीनयनाङ्गहीन ॥ ४॥
नानाविधान जगदेकनिधान शम्भो मेनात्मजाविनुत वेदततिप्रधान ।
तत्पुरुषीपूर्णजगतामुदीति शम्भो पारुष्यहीनवचसाप्यधिवक्तृता ते ॥ ५॥
॥ इति शिवरहस्यान्तर्गते भवाख्ये देवीकृता पञ्चवक्त्रशिवस्तुतिः ॥
- ॥ श्रीशिवरहस्यम् । भवाख्यः द्वितीयांशः । अध्यायः ३० ॥
- .. shrIshivarahasyam . bhavAkhyaH dvitIyAMshaH . adhyAyaH 30 ..
Notes:
Devī देवी eulogizes Pañcavaktra Śiva पञ्चवक्त्र शिव (Sadyojāta सद्योजात, Vāmadeva वामदेव, Aghora अघोर, Īśāna ईशान, Tatpuruṣa तत्पुरुष); at Kailāsa कैलास.
Shloka-s have been renumbered, as the shloka numbering has been found to differ amongst the two referenced source texts.
Proofread by Ruma Dewan