पतङ्गकृतं शिवस्तोत्रम्
(शिवरहस्यान्तर्गते भीमाख्ये)
नमो नमस्ते शशिचूड गङ्गा-
धराव्ययापारगरादिधारिन् ।
श्रीव्योमकेशाय दयार्णवाय
संसारवैद्याय नमो नमस्ते ॥ २८॥
नमो नमो देव दयाम्बुधे हर
माराङ्गसंहारक कालशत्रो ।
विश्वेश्वरापारदयानिधान
पाहीश श्रीशङ्कर रक्ष मां सदा ॥ २९॥
भगाक्षिहर शङ्कर त्रिदशनाथ पाह्यब्जज-
प्रकाशवरमौलिधृक्प्रमथनाथ विश्वाधिक ।
गजान्तकमहाहव त्रिपुरघोरसंहारक
प्रसिद्धचरिताधुना मधुहराक्षिपूज्याङ्घ्रिक ॥ ३०॥
देव वेदनिगमान्तवेद्य
हृत्तापपापविनिवारक शम्भो ।
कालकाल करुणाकर शम्भो
पाहि मामखिलदुःखसमूहात् ॥ ३१॥
॥ इति शिवरहस्यान्तर्गते पतङ्गकृतं शिवस्तोत्रं सम्पूर्णम् ॥
- ॥ श्रीशिवरहस्यम् । भीमाख्यः अष्टमांशः । अध्यायः १९ । २८-३१॥
- .. shrIshivarahasyam . bhImAkhyaH aShTamAMshaH . adhyAyaH 19 . 28-31..
Proofread by Ruma Dewan