Suryakritam Shiva Stotram

 सूर्यकृतं शिवस्तोत्रम् 

रविरुवाच ।
देवदेव जगताम्पते विभो भर्ग भीम भव चन्द्रभूषण ।
भूतनाथ भवभीतिहारक त्वां नतोऽस्मि नतवाञ्छितप्रद ॥ ४६॥

चन्द्रचूड मृड धूर्जटे हर त्र्यक्ष दक्षशततन्तुशातन ।
शान्त शाश्वत शिवापते शिव त्वां नतोऽस्मि नतवाञ्छितप्रद ॥ ४७॥

नीललोहित समीहितार्थद हे द्व्येकलोचन (= त्रिलोचन)विरूपलोचन ।
व्योमकेशपशुपाशनाशन त्वां नतोऽस्मि नतवाञ्छितप्रद ॥ ४८॥

वामदेव शितिकण्ठ शूलभृच्चन्द्रशेखर फणीन्द्रभूषण ।
कामकृत्पशुपते महेश्वर त्वां नतोऽस्मि नतवाञ्छितप्रद ॥ ४९॥

त्र्यम्बक त्रिपुरसूदनेश्वर त्राणकृत्त्रिनयन त्रयीमय ।
कालकूटदलनान्तकान्तक त्वां नतोऽस्मि नतवाञ्छितप्रद ॥ १.४९.५०॥

शर्वरीरहितशर्वसर्वग स्वर्गमार्गसुखदापवर्गद ।
अन्धकासुररिपो कपर्दभृत्त्वां नतोऽस्मि नतवाञ्छितप्रद ॥ ५१॥

शङ्करोग्रगिरिजापते पते विश्वनाथ विधिविष्णुसंस्तुत ।
वेदवेद्य विदिताऽखिलेङ्गित त्वां नतोऽस्मि नतवाञ्छितप्रद ॥ ५२॥

विश्वरूपपररूपवर्जित ब्रह्मजिह्मरहितामृतप्रद ।
वाङ्मनोविषयदूरदूरग त्वां नतोऽस्मि नतवाञ्छितप्रद ॥ ५३॥

इति श्रीस्कादपुराणे काशीखण्डे पूर्वार्द्धे एकोनपञ्चासततमा- ध्यायान्तर्गतं
         गङ्गामाहात्म्यस्तोत्रं समाप्तम् ।

स्कन्दपुराण । काशीखण्ड । पूर्वखण्ड । अध्याय ४९/४६-५३॥


skandapurANa . kAshIkhaNDa . pUrvakhaNDa . adhyAya 49/46-53..

Proofread by PSA Easwaran