सूतकृता २ शिवस्तुतिः
(शिवरहस्यान्तर्गते ईशाख्ये)
हे विश्वनाथ ममनाथ सनाथ पाहि
हे मन्मथान्तक विभो परिपाहि शम्भो ।
आनन्दकानननिवास पिनाकपाणे
वाणीशवन्द्यमहिमन् भगवन्नमस्ते ॥ ३॥
हे सङ्गमेश रमणेश्वर शेषभूष
पाहीश मामकधिया परिपाहि दीनान् ॥ ४॥
क्षयद्वीर काकोदरानद्धहार-
स्फुरत्स्फार कर्पूरगौर प्रसीद ।
विभो धीर विश्वेश भूतेश शम्भो
महाघोरवैश्वानराक्ष प्रसीद ॥ ५॥
श्रीसङ्गमेश तव लिङ्गसमर्चनेन
साङ्गाभिषङ्गतनवोऽप्यखिलाघभङ्गाः ।
गङ्गाम्भसाऽऽप्लुतशरीरसमस्तसङ्गा
नाङ्गा भवेमहि पुनस्तव पादसङ्गाः ॥ ६॥
श्रीमत्त्रिलोचन सनातन देहहीन
पञ्चाननावन हुताशरवीन्दुनेत्र ।
नेत्राग्निदग्धमदनाङ्ग हर प्रसीद
सिद्धाभिनन्द्यमहिमन् भगवन्नमोऽस्तु ॥ ७॥
विप्रानथ प्राप्तसुखान् कुरुष्व ।
क्षिप्रं त्वमद्यैव दयावतादृशा ॥ ८॥
केदारेश्वर हारभास्वरमहाकाकोदराकल्पका-
नल्पाकल्प भवत्यथोजजमहामुञ्जादिषडाङ्गकम् ।
नेत्राहस्कर तस्करान्तक हर स्वामिन् प्रसीदाशु नः ॥ ९॥
शम्भो विभो पशुपतीश्वर कालकाल
हे व्यालमाल गरलाशन हस्तशूल ।
दक्षैकपक्षे सुपक्षमहोक्षवाह (? )
त्र्यक्षाधुना रक्ष कटाक्षकोऽद्य (? ) ॥ १०॥
संसाराम्बुधितारकान्तकहरस्वामिन् मृडानीपते
मारापारशरादिभिन्नहृदयान् संवीक्ष्य विद्याहरः ।
स त्वं तारकनामकेश्वर विभो पाहि प्रपन्नान् मुनीन्
अस्मानुद्धर धीरवीर भगवन् संहारयाघं हि नः ॥ ११॥
हेमध्यमेश करुणाकर शूलपाणे
पाहीश फाणित सुमेध्यवचोऽन्तरङ्ग ।
अध्येम विद्येव तवोरुनाम
यन्मुक्ति सिध्यै तव सुप्रसादतः ॥ १२॥
कदा न मुक्तं त्वविमुक्तमेतत्
भुक्तेषु मुक्तिप्रदनाथ त्वया ।
देवाविमुक्तेश्वरमुक्तिभाग्यं
वैराग्यमप्यत्र ददस्व नः सदा ॥ १३॥
हे स्वर्णवर्णभगवन् परिपूर्ण शम्भो
चक्षुः श्रवोत्कीर्णसुकर्ण शम्भो ।
हे अन्नपूर्णापतये नमस्ते
तत्रेत्थमेव नियतं प्रवदन्ति शैवाः ॥ १४॥
हे वीरेश महेश शङ्कर विभो पाहीश विश्वाधिक ।
शश्वन्नश्वर विश्वपालक विभो पाहि प्रसीदाधुना ॥ १५॥
हे वृद्धकाल करुणावरुणालयाद्य
पाहि प्रसीद परमेश्वर कालकाल ।
हे कृत्तिवास जनवास महेश्वराद्य
हे श्रीनिवासनयनार्चितपादपद्म ॥ १६॥
हे सङ्गमेश दुरितौघविभङ्गकेश ।
श्रीतारकेश शशिमौलि कलाललाम ॥ १७॥
हे सिद्धेश महेश पाहि दयया विद्धीश दीनं हिमाम् ॥ १८॥
श्रीमत्त्रिलोचन जनावन पाहि शम्भो
कुम्भोद्भवादिमुनिवन्द्यपदाब्जयुग्म ।
हे मध्यमेश परिपाहि सुमेध्य शम्भो
केदारनायक विभो परिपाहि शम्भो ॥ १९॥
पुण्याविमुक्तेश्वर भक्तिमुक्तिं
शक्तिं प्रदेहि तव लिङ्गसमर्चनाय ।
पाहीति ये प्रणतिपूर्वकमादरेण
तत्राविमुक्तसदने प्रवदन्ति शैवाः ॥ २०॥
ज्ञानेश विज्ञानद कालकाल
यज्ञेश पाहि दयया परिपाहि शम्भो ॥ २१॥
ओङ्कारेश महेश शाश्वत विभो पाहि प्रसीदाधुना
हे शम्भो मणिकर्णिकेश भगवन् रामेश लक्ष्मीश्वर ।
दक्षेशान दयानिधान भगवन् श्रीभारभूतेश्वर
व्यासेशान गराशनेश महते चन्द्रेश पाह्यद्य माम् ॥ २२॥
ब्रह्मेशान जगद्विधानमहिमन् पाहि प्रसीदाधुना ॥ २३॥
॥ इति शिवरहस्यान्तर्गते सूतकृता शिवस्तुतिः सम्पूर्णा ॥
- ॥ श्रीशिवरहस्यम् । ईशाख्यः द्वादशमांशः । ४० सूतमुनिसंवादः । वावृत्तश्लोकाः ॥
- .. shrIshivarahasyam . IshAkhyaH dvAdashamAMshaH . 40 sUtamunisaMvAdaH . vAvRRittashlokAH ..
Notes:
Sūta सूत eulogizes Śiva शिव towards the conclusion of The ŚivaRahasyaṁ . Dvādaśāṁśaḥ शिवरहस्यम् । द्वादशांशः.
Proofread by Ruma Dewan