सतीकृतं रुद्रस्तवः
(शिवरहस्यान्तर्गते ईशाख्ये)
मेघस्य पतिरीशानो राजा चाप्यध्वरस्य सः ।
तस्मादौपसदं भागं विश्वेशे दातुमर्हसि ॥ ३०॥
स्विष्टं करोति सर्वत्र सुरभागेषु शङ्करः ।
स एव भगवान् रुद्रः सर्वदेवपतिः शिवः ॥ ३१॥
एक एव महारुद्रो वेदेषु प्रतिपाद्यते ।
स एव भगवान् रुद्रः सर्वदेवपतिः शिवः ॥ ३२॥
पतित्वं शतरुद्रस्य वेदैश्च प्रतिपाद्यते ।
स एव भगवान् रुद्रः सर्वदेवपतिः शिवः ॥ ३३॥
इन्द्रमित्रादिकानां च एक एव महेश्वरः ।
स एव भगवान् रुद्रः सर्वदेवपतिः शिवः ॥ ३४॥
ब्रह्मविष्ण्वादिजनकः सूर्यसोमादिवह्निनाम् ।
स एव भगवान् रुद्रः सर्वदेवपतिः शिवः ॥ ३५॥
एष विश्वं विश्वपतिः स हि विश्वादिकः शिवः ।
स एव भगवान् रुद्रः सर्वदेवपतिः शिवः ॥ ३६॥
प्रणवात्मा प्रकाशात्मा महात्मा सर्वतोमुखः ।
स एव भगवान् रुद्रः सर्वदेवपतिः शिवः ॥ ३७॥
यो विभासयते सर्वं जगत्स्थावरमानुषम् ।
स एव भगवान् रुद्रः सर्वदेवपतिः शिवः ॥ ३८॥
यस्याज्ञया जगत्सृष्टिं करोत्येष प्रजापतिः ।
स एव भगवान् रुद्रः सर्वदेवपतिः शिवः ॥ ३९॥
यस्याज्ञया जगत्सर्वं हरिः पालयतेऽखिलम् ।
स एव भगवान् रुद्रः सर्वदेवपतिः शिवः ॥ ४०॥
यस्याज्ञया जगत्सर्वं रुद्रः संहरते स्वयम् ।
स एव भगवान् रुद्रः सर्वदेवपतिः शिवः ॥ ४१॥
यद्भासा भासयत्येष भास्करो नात्र संशयः ।
स एव भगवान् रुद्रः सर्वदेवपतिः शिवः ॥ ४२॥
यद्भासैव सदा सोमः पुष्णात्योषधिमण्डलम् ।
स एव भगवान् रुद्रः सर्वदेवपतिः शिवः ॥ ४३॥
यद्भासा हव्यकव्यानि दहत्येषोऽनलो महान् ।
स एव भगवान् रुद्रः सर्वदेवपतिः शिवः ॥ ४४॥
यद्भयाच्च सदा वायुः पवते लोकमाविशन् ।
स एव भगवान् रुद्रः सर्व देवपतिः शिवः ॥ ४५॥
यस्याज्ञया सुरान्पाति वज्रहस्तस्त्रिविष्टपम् ।
स एव भगवान् रुद्रः सर्वदेवपतिः शिवः ॥ ४६॥
यद्भयात्सागरान् सप्त यान्ति नद्यः समुद्रगाः ।
स एव भगवान् रुद्रः सर्वदेवपतिः शिवः ॥ ४७॥
ग्रहर्क्षाणि विभान्त्येव यस्य देवस्य शासनात् ।
स एव भगवान् रुद्रः सर्वदेवपतिः शिवः ॥ ४८॥
यमोऽपि यद्भयान्नित्यं समवर्तित्वमास्थितः ।
स एव भगवान् रुद्रः सर्वदेवपतिः शिवः ॥ ४९॥
निरृतिर्यद्भयात्सर्वान् लोकान् रक्षत्यतन्द्रितः ।
स एव भगवान् रुद्रः सर्वदेवपतिः शिवः ॥ ५०॥
कुबेरोऽपि धनं पाति यस्य देवस्य शासनात् ।
स एव भगवान् रुद्रः सर्वदेवपतिः शिवः ॥ ५१॥
वेदा यस्यास्य निःश्वासाः प्रणवस्तत्तनुर्महान् ।
स एव भगवान् रुद्रः सर्वदेवपतिः शिवः ॥ ५२॥
छन्दांसि यस्य लोमानि पुराणादीनि सर्वशः ।
स एव भगवान् रुद्रः सर्वदेवपतिः शिवः ॥ ५३॥
भूमिर्यदाज्ञया धत्ते सागरान् द्वीपमण्डलम् ।
स एव भगवान् रुद्रः सर्वदेवपतिः शिवः ॥ ५४॥
शेषोऽप्यशेषलोकांश्च धत्ते यस्याज्ञया विभोः ।
स एव भगवान् रुद्रः सर्वदेवपतिः शिवः ॥ ५५॥
यदाज्ञयैव तिष्ठन्ति कूर्मदिग्दन्तिनस्तथा ।
स एव भगवान् रुद्रः सर्वदेवपतिः शिवः ॥ ५६॥
पितरो मरुतः साध्या यदाज्ञावशवर्तिनः ।
स एव भगवान् रुद्रः सर्वदेवपतिः शिवः ॥ ५७॥
यदाज्ञया प्रवर्तन्ते विश्वेदेवास्तथाश्विनौ ।
स एव भगवान् रुद्रः सर्वदेवपतिः शिवः ॥ ५८॥
अधीयते च वेदांश्च मुनयो यस्य शासनात् ।
स एव भगवान् रुद्रः सर्वदेवपतिः शिवः ॥ ५९॥
प्रवर्तन्ते क्रियाः सर्वाः स्मरशासनशासनात् ।
स एव भगवान् रुद्रः सर्वदेवपतिः शिवः ॥ ६०॥
सर्वलोकालयाश्चैव यदाज्ञाधारिणः सदा ।
स एव भगवान् रुद्रः सर्वदेवपतिः शिवः ॥ ६१॥
यो वै रुद्रेति मन्त्रेण यः शिवः संस्तुतः सदा ।
स एव भगवान् रुद्रः सर्वदेवपतिः शिवः ॥ ६२॥
सर्वशर्वमयो लोको यो वेदादौ प्रतिष्ठितः ।
स एव भगवान् रुद्रः सर्वदेवपतिः शिवः ॥ ६३॥
यं विनिद्रा जितश्वासाः सदा ध्यायन्ति योगिनः ।
स एव भगवान् रुद्रः सर्वदेवपतिः शिवः ॥ ६४॥
एषभूतपतिः सेतुविधारण इति श्रुतः ।
स एव भगवान् रुद्रः सर्वदेवपतिः शिवः ॥ ६५॥
स एव परमानन्दो शिवोऽद्वैतश्च केवलः ।
स एव भगवान् रुद्रः सर्वदेवपतिः शिवः ॥ ६६॥
यत्स्वरूपपरिज्ञानं वैदैरपि न शक्यते ।
स एव भगवान् रुद्रः सर्वदेवपतिः शिवः ॥ ६७॥
यो महांश्च महादेवः अणीयांश्चास्त्यणोरपि ।
स एव भगवान् रुद्रः सर्वदेवपतिः शिवः ॥ ६८॥
नैव स्त्री न पुमान्नैव महादेवो नपुंसकः ।
स एव भगवान् रुद्रः सर्वदेवपतिः शिवः ॥ ६९॥
यतो वाचो निवर्तन्ते अप्राप्य मनसा सह ।
स एव भगवान् रुद्रः सर्वदेवपतिः शिवः ॥ ७०॥
आनन्दः शङ्करो विद्वान्नबिभेति कुतश्चन ।
स एव भगवान् रुद्रः सर्वदेवपतिः शिवः ॥ ७१॥
सद्योजातो महादेवो वामदेवो महेश्वरः ।
स एव भगवान् रुद्रः सर्वदेवपतिः शिवः ॥ ७२॥
अघोरो विश्वनाथात्मा तत्सूर्यः सर्वदृक् शिवः ।
स एव भगवान् रुद्रः सर्वदेवपतिः शिवः ॥ ७३॥
स ईशानः स हि विराट् स्वराट् संराट् प्रजापतिः ।
स एव भगवान् रुद्रः सर्वदेवपतिः शिवः ॥ ७४॥
स निर्गुणो विरूपाक्षः स आत्मा विश्वतोमुखः ।
स एव भगवान् रुद्रः सर्वदेवपतिः शिवः ॥ ७५॥
विश्वतश्चक्षुरीशानः स भवो विश्वभावुकः ।
स एव भगवान् रुद्रः सर्वदेवपतिः शिवः ॥ ७६॥
ऋतं सत्यं परं ब्रह्म पुरुषः कृष्णपिङ्गलः ।
स एव भगवान् रुद्रः सर्वदेवपतिः शिवः ॥ ७७॥
ऊर्ध्वरेता विरूपाक्षों विश्वरूपो गुणातिगः ।
स एव भगवान् रुद्रः सर्वदेवपतिः शिवः ॥ ७८॥
आनन्दैकघनः शान्तो विशेषेण विवर्जितः ।
स एव भगवान् रुद्रः सर्वदेवपतिः शिवः ॥ ७९॥
सर्वदृक् सर्वभूतात्मा सर्वेन्द्रियविवर्जितः ।
स एव भगवान् रुद्रः सर्वदेवपतिः शिवः ॥ ८०॥
अपाणिपादो वरदो जवनोऽप्यग्रहीतृकः ।
स एवं भगवान् रुद्रः सर्वदेवपतिः शिवः ॥ ८१॥
स पश्यतीदं विश्वात्मा चराचरमिदं जगत् ।
स एव भगवान् रुद्रः सर्वदेवपतिः शिवः ॥ ८२॥
न तं विदन्ति विद्वांसो यतन्तोऽपि यतीश्वराः ।
स एव भगवान् रुद्रः सर्वदेवपतिः शिवः ॥ ८३॥
जाग्रत्स्वप्नसुषुप्त्याद्यावस्थाभिश्चाप्यतीतकः ।
स एव भगवान् रुद्रः सर्वदेवपतिः शिवः ॥ ८४॥
यो मायया मोहयति जगदाब्रह्मकीटकम् ।
स एव भगवान् रुद्रः सर्वदेवपतिः शिवः ॥ ८५॥
स मायी परमेशानः स परः शिव ईश्वरः ।
स एव भगवान् रुद्रः सर्वदेवपतिः शिवः ॥ ८६॥
सर्वान्तरः सर्वसाक्षी चेता नेता च निर्गुणः ।
स एव भगवान् रुद्रः सर्वदेवपतिः शिवः ॥ ८७॥
स सुधन्वा स्विषुर्देवो विभुः शङ्कर ईश्वरः ।
स एव भगवान् रुद्रः सर्वदेवपतिः शिवः ॥ ८८॥
सदाशिवः पशुपतिर्यज्ञो यज्ञेश्वरश्च सः ।
स एव भगवान् रुद्रः सर्वदेवपतिः शिवः ॥ ८९॥
सोऽन्तरा सर्वभूताना स बाह्येऽपि च संस्थितः ।
स एव भगवान् रुद्रः सर्वदेवपतिः शिवः ॥ ९०॥
यो यज्ञैरीज्यते साम्बो यज्वभिर्वेदपारगैः ।
स एव भगवान् रुद्रः सर्वदेवपतिः शिवः ॥ ९१॥
यत्स्वरूपाऽपरिज्ञान्नमुक्तिं लभते नरः ।
स एव भगवान् रुद्रः सर्वदेवपतिः शिवः ॥ ९२॥
यो बाह्याभ्यन्तरे पूर्णः शिव एकः शिवङ्करः ।
स एव भगवान् रुद्रः सर्वदेवपतिः शिवः ॥ ९३॥
यतो ब्रह्मेशविष्ण्विन्द्राः सहभूतैः प्रजज्ञिरे ।
स एव भगवान् रुद्रः सर्वदेवपतिः शिवः ॥ ९४॥
स ध्येयः परमेशानो मुमुक्षुभिरहर्निशम् ।
स एव भगवान् रुद्रः सर्वदेवपतिः शिवः ॥ ९५॥
देवा अपि महादेवं सहसा यं च नो विदुः ।
स एव भगवान् रुद्रः सर्वदेवपतिः शिवः ॥ ९६॥
स एव कर्ता जगतां भर्ता हर्ता महेश्वरः ।
स एव भगवान् रुद्रः सर्वदेवपतिः शिवः ॥ ९७॥
यदा चर्मवदाकाशं वेष्टयिष्यति मानवः ।
तदा शिवमविज्ञाय दुःखं तेषां भविष्यति ॥ ९८॥
स एव भगवान् रुद्रः सर्वदेवमयः शिवः ।
यस्य लिङ्गार्चनेनैव मुक्तिर्भक्तैश्च लभ्यते ॥ ९९॥
स एव भगवान् रुद्रः सर्वदेवमयः शिवः ।
यद्भस्मधृक्भवोद्भूतं दुःखं सर्वं प्रहास्यति ॥ १००॥
स एव भगवान् रुद्रः सर्वदेवमयः शिवः ।
यत्पुण्ड्रं भालफलके बिभ्रन्मुक्तिमवाप्नुयात् ॥ १०१॥
स एव भगवान् रुद्रः सर्वदेवमयः शिवः ।
यन्नेत्राश्रुभवं दिव्यं बिभ्रन्नादभ्रदुःखभाक् ॥ १०२॥
स एव भगवान् रुद्रः सर्वदेवमयः शिवः ।
यस्य पञ्चाक्षरजपात् पञ्चपापं न किञ्चन ॥ १०३॥
यस्य क्षेत्रेषु वसतां मुक्तिरेकेन जन्मना ।
यो वेदादौ स्वरः प्रोक्तो वेदान्तेषु प्रतिष्ठितः ॥ १०४॥
तस्य प्रकृतिसंलीना भवन्तो मोहमास्थिताः ।
स एव भगवान् रुद्रः सर्वदेवमयः शिवः ॥ १०५॥
यजध्वं साम्बमीशानं लभध्वं मुक्तिमुत्तमाम् ।
सत्यं सत्यं वचो मेऽथ सत्यमेको महेश्वरः ॥ १०६॥
॥ इति शिवरहस्यान्तर्गते सतीकृतं रुद्रस्तवः सम्पूर्णम् ॥
- ॥ श्रीशिवरहस्यम् । ईशाख्यः द्वादशमांशः । अध्यायः २ सतीवाक्यम् । ३०-१०६॥
- .. shrIshivarahasyam . IshAkhyaH dvAdashamAMshaH . adhyAyaH 2 satIvAkyam . 30-106..
Notes:
Satī सती delivers to Dakṣa दक्ष; at the venue of DakṣaYajña दक्षयज्ञ, a eulogy in favor of Rudra रुद्र - who indeed is the Sarvadevapatiḥ सर्वदेवपतिः (The Lord of all Deva-s देवाः and Sarvadevamayaḥसर्वदेवमयः (the One who embodies all Deva-s देवाः) Śiva शिव.
Proofread by Ruma Dewan