Satishivasamvadam

सतीशिवसंवादम्

जयेत्युक्त्वाऽन्यतो गच्छन्नदात्तस्मै स्वदर्शनम् । रामाय विपिने तस्मिन् शङ्करो भक्तवत्सलः ॥ २८॥ इतीदृशीं सतीं दृष्ट्वा शिवलीलां विमोहनीम् । सुविस्मिता शिवं प्राह शिवमायाविमोहिता ॥ २९॥ सत्युवाच । देवदेव परब्रह्म सर्वेश परमेश्वर । सेवन्ते त्वां सदा सर्वे हरिब्रह्मादयस्सुराः ॥ २.२४.३०॥ त्वं प्रणम्यो हि सर्वेषां सेव्यो ध्येयश्च सर्वदा । वेदान्तवेद्यो यत्नेन निर्विकारी परप्रभुः ॥ ३१॥ काविमौ पुरुषौ नाथ विरहव्याकुलाकृती । विचरन्तौ वने क्लिष्टौ दीनौ वीरौ धनुर्धरौ ॥ ३२॥ तयोर्ज्येष्ठं कञ्जश्यामं दृष्ट्वा वै केन हेतुना । मुदितस्सुप्रसन्नात्माऽभवो भक्त इवाऽधुना ॥ ३३॥ इति मे संशयं स्वामिन् शङ्कर छेत्तुमर्हसि । सेव्यस्य सेवकेनैव घटते प्रणतिः प्रभो ॥ ३४॥ इति शिवपुराणे रुद्रसंहितायां सतीखण्डे चतुर्दशाध्यायान्तर्गतं सतीशिवसंवादं समाप्तम् । शिवपुराण । रुद्रसंहिता । सतीखण्ड । अध्याय १४/२८-३६॥ shivapurANa . rudrasaMhitA . satIkhaNDa . adhyAya 14/28-36.. Proofread by PSA Easwaran