॥ शम्भुस्तवः ॥

श्रीगणेशाय नमः ॥ कैलासशैलनिलयात्कलिकल्मषघ्नाच्चन्द्रार्धभूषितजटाद्वटमूलवासात् । नम्रोत्तमाङ्गविनिवेशितहस्तपद्माच्छम्भोः परं किमपि दैवमहं न जाने ॥ १॥ नाकाधिनाथकरपल्लवसेविताङ्घ्रेर्नागास्यषण्मुखविभासितपार्श्वभागात् । निर्व्याजपूर्णकरुणान्निखिलामरेड्याच्छम्भोः परं किमपि दैवमहं न जाने ॥ २॥ मौइनीन्द्ररक्षणकृते जितकालगर्वात्पापाब्धिशोषणविधौ जितवाडवाग्नेः । माराङ्गभस्मपरिलेपनशुक्लगात्राच्छम्भोः परं किमपि देवमहं न जाने ॥ ३॥ विज्ञानमुद्रितकराच्छरदिन्दुशुभ्राद्विज्ञानदाननिरताज्जडपङ्क्तयेऽपि । वेदान्तगेयचरणाद्विधिविष्णुसेव्याच्छम्भोः परं किमपि दैवमहं न जाने ॥ ४॥ इति शम्भुस्तवः सम्पूर्णः ॥ Proofread by PSA Easwaran psaeaswaran at gmail.com
% Text title            : shambhustavaH
% File name             : shambhustavaH.itx
% itxtitle              : shambhustavaH
% engtitle              : shambhustavaH
% Category              : shiva
% Location              : doc_shiva
% Sublocation           : shiva
% Language              : Sanskrit
% Subject               : philosophy/hinduism/religion
% Proofread by          : PSA Easwaran psaeaswaran at gmail.com
% Description-comments  : Brihatstotraratnakara 1, Narayana Ram Acharya, Nirnayasagar, stotrasankhyA 211
% Latest update         : February 28, 2017
% Send corrections to   : Sanskrit@cheerful.com
% Site access           : https://sanskritdocuments.org

This text is prepared by volunteers and is to be used for personal study and research. The file is not to be copied or reposted for promotion of any website or individuals or for commercial purpose without permission. Please help to maintain respect for volunteer spirit.

BACK TO TOP