Shatanama Shiva Stotram

 शतनाम शिवस्तोत्रम् 

प्रदक्षिणनमस्कारैः पूजनीयः सदाशिवः ।
नाम्नां शतेन रुद्रोऽसौ स्तवनीयो यताविधि ॥ ७४॥

ॐ नमो रुद्राय भीमाय नीलकण्ठाय वेधसे ।
कपर्दिने सुरेशाय व्योमकेशाय वै नमः ॥ ७५॥

वृषध्वजाय सोमाय नीलकण्ठाय वै नमः ।
दिगम्बराय भर्गाय उमाकान्त कपर्दिने ॥ ७६॥

तपोमयाय व्याप्ताय शिपिविष्टाय वै नमः ।
व्यालप्रियाय व्यालाय व्यालानां पतये नमः ॥ ७७॥

महीधराय व्याघ्राय पशूनां पतये नमः ।
त्रिपुरान्तकसिंहाय शार्दूलोग्ररवाय च ॥ ७८॥

मीनाय मीननाथाय सिद्धाय परमेष्ठिने ।
कामान्तकाय बुद्धाय बुद्धीनां पतये नमः ॥ ७९॥

कपोताय विशिष्टाय शिष्टाय परमात्मने ।
वेदाय वेदबीजाय देवगुह्याय वै नमः ॥ ८०॥

दीर्घाय दीर्घदीर्घाय दीर्घार्घाय महाय च ।
नमो जगत्प्रतिष्ठाय व्योमरूपाय वै नमः ॥ ८१॥

गजासुरविनाशाय ह्यन्धकासुरभेदिने ।
नीललोहितशुक्लाय चण्डमुण्डप्रियाय च ॥ ८२॥

भक्तिप्रियाय देवाय ज्ञानज्ञानाव्ययाय च ।
महेशाय नमस्तुभ्यं महादेवहराय च ॥ ८३॥

त्रिनेत्राय त्रिवेदाय वेदाङ्गाय नमो नमः ।
अर्थाय अर्थरूपाय परमार्थाय वै नमः ॥ ८४॥

विश्वरूपाय विश्वाय विश्वनाथाय वै नमः ।
शङ्कराय च कालाय कालावयवरूपिणे ॥ ८५॥

अरूपाय च सूक्ष्माय सूक्ष्मसूक्ष्माय वै नमः ।
श्मशानवासिने तुभ्यं नमस्ते कृत्तिवाससे ॥ ८६॥

शशाङ्कशेखरायैव रुद्रविश्वाश्रयाय च ।
दुर्गाय दुर्गसाराय दुर्गावयवसाक्षिणे ॥ ८७॥

लिङ्गरूपाय लिङ्गाय लिङ्गानां पतये नमः ।
नमः प्रणवरूपाय प्रणवार्थाय वै नमः ॥ ८८॥

नमो नमः कारणकारणाय ते मृत्युञ्जयायात्मभवस्वरूपिणे ।
त्रियम्बकायासितकण्ठ भर्ग गौरिपते सकलमङ्गलहेतवे नमः ॥ ८९॥

इति श्रीस्कन्दपुराणे माहेश्वरखण्डे, केदारखण्डे, सप्तदशाध्यायान्तर्गतं
         शतनाम शिवस्तोत्रं समाप्तम् ।

स्कन्दपुराण । माहेश्वरखण्ड । केदारखण्ड । अध्याय १७/७५-८९॥


skandapurANa . mAheshvarakhaNDa . kedArakhaNDa . adhyAya 17/75-89..

Proofread by PSA Easwaran