ऋषिगौतमप्रोक्तं शिवार्चनफलोपदेशम्
(शिवरहस्यान्तर्गते उग्राख्ये)
अन्यानुत्पादयामास प्रथमं पार्वतीपतिः ।
शिवलिङ्गे कृता पूजा मोक्षाय परिकल्पते ॥ १२८॥
पञ्चाक्षरेण मन्त्रेण शिवलिङ्गे शिवार्चनम् ।
यः करिष्यति यत्नेन स जीवन्मुक्त उच्यते ॥ १२९॥
रुद्रमन्त्रैरविच्छिन्नमभिषेकं महेश्वरे ।
यः करिष्यति यत्नेन स जीवन्मुक्त उच्यते ॥ १३०॥
चन्दनागरुकस्तूरीकर्पूराणि महेश्वरे ।
यः प्रयच्छति यत्नेन स जीवन्मुक्त उच्यते ॥ १३१॥
कालागरुसमुद्भूतं धूप शङ्करसन्निधौ ।
यः प्रयच्छति यत्नेन स जीवन्मुक्त उच्यते ॥ १३२॥
दीपावलीमाज्यपूर्णां शिवलिङ्गस्य सन्निधौ ।
यः प्रयच्छति यत्नेन स जीवन्मुक्त उच्यते ॥ १३३॥
क्षीरान्नं गोघृतप्लुष्टं सशर्करमुमापतेः ॥
यः प्रयच्छति यत्नेन स जीवन्मुक्त उच्यते ॥ १३४॥
प्रदक्षिणनमस्कारान् शिवलिङ्गस्य सादरम् ।
यः करोति प्रयत्नेन स जीवन्मुक्त उच्यते ॥ १३५॥
कवले कवले भक्त्या महादेवानुकीर्तनम् ।
यः करोति प्रयत्नेन स जीवन्मुक्त उच्यते ॥ १३६॥
गच्छंस्तिष्ठञ्चछयानो वा महादेवानुकीर्तनम् ।
यः करोति प्रयत्नेन स जीवन्युक्त उच्यते ॥ १३७॥
गोक्षीरेण महादेवं योऽभिषिञ्चति सादरम् ।
स भुक्त्वा सकलान्भोगान् शिवलोकं गमिष्यति ॥ १३८॥
श्वेताक्षतैरपि स्वच्छैर्यः पूजयति शङ्करम् ।
स भुक्त्वा सकलान्भोगान् शिवलोकं गमिष्यति ॥ १३९॥
तिलाक्षतैरपि स्वच्छैर्यः पूजयति शङ्करम् ।
स भुक्त्वा सकलान्भोगान् शिवलोकं गमिष्यति ॥ १४०॥
घृतान्नेन गुडान्नेन यः शिवं पूजयिष्यति ।
स भुक्त्वा सकलान्भोगान् शिवलोकं गमिष्यति ॥ १४१॥
यो वै दुकूलवस्त्राद्यैः शम्भुं तं पूजयिष्यति ।
स भुक्त्वा सकलान्भोगान् शिवलोकं गमिष्यति ॥ १४२॥
यः सुवर्णेन रत्नैर्वा शङ्करं पूजयिष्यति ।
स भुक्त्वा सकलान्भोगान् शिवलोकं गमिष्यति ॥ १४३॥
यो महादेवभक्तानां परिचर्यां करिष्यति ।
स भुक्त्वा सकलान्भोगान् शिवलोकं गमिष्यति ॥ १४४॥
शरणं याति यः साम्बं मनोवाक्कायकर्मभिः ।
स भुक्त्वा सकलान्भोगान् शिवलोकं गमिष्यति ॥ १४५॥
॥ इति शिवरहस्यान्तर्गते ऋषिगौतमप्रोक्तं शिवार्चनफलोपदेशं सम्पूर्णम् ॥
- ॥ श्रीशिवरहस्यम् । उग्राख्यः सप्तमांशः । अध्यायः २३। १२८-१४५॥
- .. shrIshivarahasyam . ugrAkhyaH saptamAMshaH . adhyAyaH 23 . 128-145..
Notes:
Ṛṣi Gautama ऋषि गौतम delivers Upadeśa उपदेश about Devotion to Śiva शिव i.e. Śivabhakti शिवभक्ति, Mahādevānukīrtanam महादेवानुकीर्तनम्, making various offerings to Śivaliṅga शिवलिङ्ग - as alternative means of worshiping Śiva शिव; and the merits thereof, especially in terms of attaining Jīvanmukti जीवन्मुक्ति and Śivaloka शिवलोक.
Proofread by Ruma Dewan