शिवषडक्षरस्तोत्रम्
``ॐ नमः शिवाय ।''
ॐ अक्षर नमस्तुभ्यं परब्रह्म निकेतन ।
अनायासेन मे मुक्तिं प्रयच्छ श्री सभापते ॥ १॥
नटराज नमस्तुभ्यं नगराज निकेतन ।
अनायासेन मे मुक्तिं प्रयच्छ श्री सभापते ॥ २॥
महादेव नमस्तुभ्यं मार्ताण्ड हृदिसंस्थित ।
अनायासेन मे मुक्तिं प्रयच्छ श्री सभापते ॥ ३॥
शितिकण्ठ नमस्तुभ्यं शिवकामि मनोहर ।
अनायासेन मे मुक्तिं प्रयच्छ श्री सभापते ॥ ४॥
वामदेव नमस्तुभ्यं वाञ्छितार्थ प्रदप्रभो ।
अनायासेन मे मुक्तिं प्रयच्छ श्री सभापते ॥ ५॥
यजमान नमस्तुभ्यं यज्ञमूर्ते अभयप्रद ।
अनायासेन मे मुक्तिं प्रयच्छ श्री सभापते ॥ ६॥
षडक्षरमिदं स्तोत्रं यः पठेच्छिवसन्निधौ ।
तस्य मृत्युभयं नास्ति भवेत् कैवल्यमुत्तमम् ॥ ७॥
इति शिवषडक्षरस्तोत्रम् ॥
In the stotra, each starting letter of verses
constitute the mantra OM namaH shivAya.
Encoded by Muthuraman Krishnamurthy
Proofread by Muthuraman Krishnamurthy, Aruna Narayan