अत्रिकृतं शिवस्तोत्रम्
अत्रिरुवाच -
नमो नमो निर्गुण निर्विकार
नमो नमो निष्कल निष्प्रपञ्च ।
नमो नमः शान्त नमो नमस्ते
नमो नमस्ते शिव सर्वरूप ॥ ६८॥
नमो नमः साम्ब नमो नमस्ते
नमो नमः शङ्कर सर्वहेतो ।
नमो नमोऽमेयगुणस्वरूप
तुरीयशम्भो सततं नमस्ते ॥ ६९॥
नमो नमोऽनन्तगुणैकसिन्धो
प्रपन्नबन्धो भगवन्नमस्ते ।
नमो नमः शर्व नमो नमस्ते
नमो नमः पर्ण्य नमो नमस्ते ॥ ७०॥
नमो नमस्तेऽस्तु नमोऽस्तु शम्भो
नमो नमस्तेऽस्तु नमोऽस्तु रुद्र ।
नमो नमस्ते गिरिजासहाय
नमो नमस्तेऽस्तु नमो महेश ॥ ७१॥
नमो नमस्तेऽस्तु हिरण्यबाहो
नमो नमस्तेऽतु हिरण्यरूप ।
नमो नमस्तेऽस्तु हिरण्यवर्ण
नमो नमस्तेऽस्तु हिरण्यहेतो ॥ ७२॥
नमो नमस्तेऽस्तु शशाङ्कमौले
नमो नमस्तेऽस्तु पिनाकपाणे ।
नमो नमस्तेऽस्तु वृषाङ्ककेतो
नमो नमस्तेऽस्तु नमो गिरीश ॥ ७३॥
नमो नमस्ते पृथिवीस्वरूप
नमो नमस्तेऽतु जलस्वरूप ।
तेजःस्वरूपाय नमो नमस्ते
वायुस्वरूपाय नमो नमस्ते ॥ ७४॥
आकाशरूपाय नमो नमस्ते
कालस्वरूपाय नमो नमस्ते ।
नमो नमस्तेऽस्तु दिगात्मने सदा
नमो नमस्ते सकलात्ममूर्तये ॥ ७५॥
नमो नमस्तेऽस्तु कर्पादने सदा
नमो नमस्तेऽस्तु कपालमालिने ।
नमो नमस्तेऽस्तु नमस्त्विषीमते
नमो नमस्तेऽस्तु निषङ्गणे नमः ॥ ७६॥
नमो नमस्तेऽस्तु नमोऽस्तु शाङ्गिणे
नमो नमस्तेऽस्तु नमोऽस्तु बभ्रुषे ।
नमो नमस्ते शिपिविष्ट शम्भो
नमो नमस्तेऽस्तु हरामरेश ॥ ७७॥
नमो नमस्ते हरिपूजिताङ्घ्रे
नमो नमस्ते हरिनेत्रपाद ।
नमो नमस्ते हरिजन्महेतो
नमो नमस्ते हरिगीतकीर्ते ॥ ७८॥
नमो नमस्ते विधिजन्महेतो
नमो नमस्ते विधिमूर्धहर्तः ।
नमो नमस्ते हरजन्महेतो
नमो नमस्ते हरहर्तृमूर्ते ॥ ७९॥
नमो नमस्तेऽखिलजन्महेतो
नमो नमस्तेऽखिलनाश हेतो ।
नमो नमो निर्मल नित्यरूप
नमो नमो नित्यविचारशुद्ध ॥ ८०॥
नमो नमो नित्यविशुद्ध बुद्ध
नमो नमो निर्भय भीमरूप ।
नमो नमः सर्गविसर्गहेतो
नमो नमः सर्गविनाशहेतो ॥ ८१॥
नमो नमस्ते हर मृत्युमृत्यो
नमो नमस्ते शिवविष्णुमृत्यो ।
नमो नमस्ते जगदेकमृत्यो
नमो नमः शङ्कर शङ्करेश ॥ ८२॥
॥ इति शिवरहस्यान्तर्गते अत्रिकृतं शिवस्तोत्रं सम्पूर्णम् ॥
- ॥ श्रीशिवरहस्यम् उग्राख्यः सप्तमांशः । अध्यायः १४ । ६८-८२॥
- .. shrIshivarahasyam ugrAkhyaH saptamAMshaH . adhyAyaH 14 . 68-82 ..
Encoded and proofread by Ruma Dewan