श्रीसिद्धलिङ्गमहास्वामिस्तुतिपञ्चकम्
(श्री सदाशिव शिवाचार्यविरचितं)
भुविलसद्यडेयरु पुराधिपम्
परमयोगिजनैर्नुत पादुकम् ।
अखिलमानव कामन पूरकम्
भज निरञ्जन तोण्टद योगिनम् ॥ १॥
गुरुमजं करुणारसपूरितम्
भवहरं कुलजैः परिपूजितम् ।
सदमलं परमार्थविधायकम्
भज निरञ्जन तोण्टद योगिनम् ॥ २॥
प्रथित वीरमताम्बुज भास्करम्
निरुतमन्यमतेभ सदङ्कुशम् ।
दुरितजालविनाशकमीश्वरम्
भज निरञ्जन तोण्टद योगिनम् ॥ ३॥
अगणिताद्भुतलील महालयम्
जगदनन्त शिवार्य चरप्रभुम् ।
अणिममुख्य सुखे विरतिं शिवम्
भज निरञ्जन तोण्टद योगिनम् ॥ ४॥
मनसिजारिपदेऽप्यरतिं परम्
घनविराग विराज सुवैभवम् ।
आजडयोग समाधिविलोलुपम्
भज निरञ्जन तोण्टद योगिनम् ॥ ५॥
पठति यः स्तुतिपञ्चकमादरम्
गुरु सदाशिवयोगि कृतन्त्विदम् ।
झटिति तस्य सुखं करबिल्वव-
द्भवतिनात्र विचारणमन्यथा ॥
इति श्रीसदाशिव शिवाचार्यविरचितं तोण्टद श्री सिद्धलिङ्गमहास्वामिनां स्तुति पञ्चकं
Proofread by Vani V.