Skandakrita Shiva Stuti 5

 स्कन्दकृता शिवस्तुतिः ५ 

(शिवरहस्यान्तर्गते सदाशिवाख्ये)
स्कन्द उवाच ।
नमः शिवाय निर्गुणाय निष्कलाय त्रिशूलिने ॥ १६.२॥

नमः शिवाय शन्तमाय श्रुतिगोचराय शम्भवे ।
नमः शिवाय निष्क्रियाय निर्मलाय योगिने ॥ १७॥

नमःशिवाय सिद्धिमुक्ति हेतवे चिदात्मने ।
नमःशिवाय सोमाय(सोम)सूर्यवह्न्यतीततेजसे ॥ १८॥

नमः शिवाय वेदवागगोचराय वाङ्मयाय ।
नमः शिवाय सत्यकृत्यसाक्षिणे महात्मने ॥ १९॥

नमःशिवाय शङ्कराय शक्तिबीजहेतवे ।
नमः शिवाय चन्द्रशेखराय ते कपर्दिने ॥ २०॥

नमः शिवाय भूतिभूषणायभूति हेतवे ।
नमः शिवाय नित्यशुद्धतेजसे त्रिशूलिने ॥ २१॥

नमः शिवाय भक्तबन्धमोचकाय शम्भवे ।
नमः शिवाय बिन्दुवाच्यवाचकात्मने नमः ॥ २२॥

नमः शिवाय नित्यसान्द्रसौख्यसीमतेजसे ।
नमः शिवाय दिव्यबोधरूपिणे परात्मने ॥ २३॥

नमः शिवाय सत्यवागगोचराय बन्धवे ।
नमः शिवाय भक्तलोकवाञ्छितप्रदायिने ॥ २४॥

नमः शिवाय विष्णुवेधसाप्यदृश्यमौलये(मूर्तये) ।
(नमः शिवाय विष्णुधात्रदृश्यमौलिमूर्तये ।)
नमः शिवाय भुक्तिमुक्तिदायिने हराय ते ॥ २५॥

नमःशिवाय शक्तिहस्ततारकारिसूनवे ।
नमः शिवाय पर्वतेन्द्रजार्धदेहभागिने ॥ २६॥

नमः शिवाय सिन्धुरेन्द्रमुख्यवक्त्रसूनवे ।
सदा नमः शिवाय ते सदाशिवाय शम्भवे ॥ २७॥

॥ इति शिवरहस्यान्तर्गते स्कन्दकृता शिवस्तुतिः ५ सम्पूर्णा ॥

- ॥ श्रीशिवरहस्यम् । सदाशिवाख्यः नवमांशः । अध्यायः ४० । १६.२-२७॥


- .. shrIshivarahasyam . sadAshivAkhyaH navamAMshaH . adhyAyaH 40 . 16.2-27..

Proofread by Ruma Dewan