Tapasaih Kritam Rudra Stotram

तापसैः कृतं रुद्रस्तोत्रम्

तापसा ऊचुः । नमो देवाधिदेवाय सर्वदेवमयाय च । नमः शान्ताय सूक्ष्माय नमश्चान्धकभेदिने ॥ १८॥ नमोऽस्तु सर्वरुद्रेभ्यो ये दिवं संश्रिताः सदा । जीवापयन्ति जगतीं वायुभिश्च पृथग्विधैः ॥ १९॥ नमोऽस्तु सर्वरुद्रेभ्यो ये स्थिता वारुणीं दिशम् । रक्षन्ति सर्वलोकांश्च पिशाचानां दुरात्मनाम् ॥ २०॥ नमोऽस्तु सर्वरुद्रेभ्यो दिशमूर्ध्वं समाश्रिताः । रक्षन्ति सकलांल्लोकान्भूतार्नां जम्भकाद्भयात् ॥ २१॥ नमोऽस्तु सर्वरुद्रेभ्यो येऽध ऊर्ध्वं समाश्रिताः । रक्षन्ति सकलांल्लोकान्कूष्माण्डानां भयात्सदा ॥ २२॥ असङ्ख्याताः सहस्राणि ये रुद्रा भूमिमाश्रिताः । नमस्तेभ्योऽपि सर्वेभ्यस्तेषां रक्षन्ति ये रुजः ॥ २३॥ इति श्रीस्कन्दपुराणे नागरखण्डे षट्सप्ततितमाधिकद्विशततमाध्यायान्तर्गतं तापसैः कृतं रुद्रस्तोत्रं समाप्तम् । स्कन्दपुराण । नागरखण्ड । अध्याय २७६/१८-२३॥ skandapurANa . nAgarakhaNDa . adhyAya 276/18-23.. Proofread by PSA Easwaran