त्रयोदश्याः प्रदोषकाले शिवस्तुतिः
(शिवरहस्यान्तर्गते महादेवाख्ये)
- शिवपार्वतीसंवादे -
जय जय विश्वविधान दक्षशिक्ष
जय जय सर्वसुराधिनाथ शम्भो ।
जय जय चारुशशाङ्कभालमौले
जय जय कालकलाविहीनदेह ॥ ६४॥
जय जय कालकलाविहीनदेह
जय जय कालमहान्धकासुरारे ।
जय जय सामगणादिगण्यमूर्ते
जय जय पुण्यफलप्रदोरुविश्वमूर्ते ॥ ६५॥
जय जय सोम दिनेश वह्निदृष्टे
जय जय नीलगल प्रसीद शम्भो ।
जय जय दुरितान्धकासुरारे
जय जय विष्णुहराजमृग्यमूर्ते ॥ ६६॥
जय जय जह्नुसुतोरुशोभिमौले
जय जय गरनीलचारुकण्ठ शूलिन् ।
जय जय पङ्कजासनाच्युतेड्य
जय जय पातकततिप्रणाशहेतो ॥ ६७॥
जय जय कामितसर्वदस्त्वमीश
जय जय विश्वपते प्रसीद मह्यम् ।
जय जय सामज चर्मवस्त्र शम्भो
अनृणं मां कुरु देवमानुषादिमार्गे ॥ ६८॥
॥ इति शिवरहस्यान्तर्गते त्रयोदश्याः प्रदोषकाले शिवस्तुतिः सम्पूर्णा ॥
- ॥ श्रीशिवरहस्यम् । महादेवाख्यः एकादशमांशः । अध्यायः ३० त्रयोदशी प्रदोष पूजाकथनम् । ६४-६८॥
- .. shrIshivarahasyam . mahAdevAkhyaH ekAdashamAMshaH . adhyAyaH 30 trayodashI pradoSha pUjAkathanam . 64-68..
Notes:
Śiva शिव advises about a ŚivaStutiḥ शिवस्तुतिः to Pārvatī पार्वती as part of the procedure for worshiping Him during Pradoṣakāla प्रदोषकाल of Trayodaśī-s of both Pakśa पक्षद्वये त्रयोदश्याम्. He highlights the merits of observing Vrata व्रत on Trayodaśī त्रयोदशी of Mandavāra मन्दवार (Saturday).
Proofread by Ruma Dewan