वैदर्भीकृता शिवस्तुतिः
(शिवरहस्यान्तर्गते उग्राख्ये)
वैदर्भ्युवाच
नमो नमः कारणकारणाय
नारायणासेवितपादुकाय ।
नमो नमो भूतिविभूषणाय
विश्वेश शम्भो भगवन्नमस्ते ॥ ३५७॥
नमो नमश्चन्द्रकलाधराय
नमो नमो मङ्गलविग्रहाय ।
नमो नमोऽनन्तगुणार्णवाय
विश्वेश शम्भो भगवन्नमस्ते ॥ ३५८॥
नमो नमोऽनङ्गमदापहाय
नमो नमः शेषविभूषिताय ।
नमो नमो मङ्गलदायकाय
विश्वेश शम्भो भगवन्नमस्ते ॥ ३५९॥
नमो नमः सर्वसुर्वसुराधिपाय
नमो नमः सर्वगुणोज्ज्वलाय ।
नमो नमः सर्वजगन्मयाय
विश्वेश शम्भो भगवन्नमस्ते ॥ ३६०॥
नमो नमोऽनन्तविलोचनाय
नमो नमोऽनन्तकरोज्ज्वलाय ।
नमो नमोऽनन्तशिरोधराय
विश्वेश शम्भो भगवन्नमस्ते ॥ ३६१॥
नमो नमो हेमविभूषणाय
नमो नमः शैलसुताप्रियाय ।
नमो नमो बिल्वदलार्चिताय
विश्वेश शम्भो भगवन्नमस्ते ॥ ३६२॥
नमो नमो निर्मितपारदाय
नमो नमो निर्मितभूधराय ।
नमो नमः सर्वगणाधिपाय
विश्वेश शम्भो भगवन्नमस्ते ॥ ३६३॥
नमो नमोऽनन्तरविप्रभाय
नमो नमोऽनन्तविधुप्रभाय ।
नमो नमो वह्निगणप्रभाय
विश्वेश शम्भो भगवन्नमस्ते ॥ ३६४॥
नमो नमो मन्मथसूदनाय
नमो नमोऽज्ञाननिषूदनाय ।
नमो नमस्ते वृषवाहनाय
विश्वेश शम्भो भगवन्नमस्ते ॥ ३६५॥
नमो नमः सर्वविधायकाय
नमो नमः सर्जितरक्षकाय ।
नमो नमः सर्जितनाशकाय
विश्वेश शम्भो भगवन्नमस्ते ॥ ३६६॥
॥ इति शिवरहस्यान्तर्गते वैदर्भीकृता शिवस्तुतिः सम्पूर्णा ॥
- ॥ श्रीशिवरहस्यम् । उग्राख्यः सप्तमांशः । अध्यायः २५। ३५७-३६६॥
- .. shrIshivarahasyam . ugrAkhyaH saptamAMshaH . adhyAyaH 25 . 357-366..
Notes:
The Vaidarbhīkṛtā Śivastutyāntargate ŚivaNāmāvaliḥ वैदर्भीकृता शिवस्तुत्यन्तर्गते शिवनामावलिः that has been derived from this Stutiḥ स्तुतिः can be referred to from the link given below.
Proofread by Ruma Dewan