Vedaih Kritam Shiva Stotram

वेदैः कृतं २ शिवस्तोत्रम्

ऋग्वेद उवाच । यदन्तस्स्थानि भूतानि यतस्सर्वं प्रवर्त्तते । यदाहुः परमं तत्त्वं स रुद्रस्त्वेक एव हि ॥ २५॥ यजुर्वेद उवाच । यो यज्ञैरखिलैरीशो योगेन च समिज्यते । येन प्रमाणं खलु नस्स एकः सर्वदृक्छिवः ॥ २६॥ सामवेद उवाच । येनेदं भ्राम्यते विश्वं योगिभिर्यो विचिन्त्यते । यद्भासा भासते विश्वं स एकस्त्र्यम्बकः परः ॥ २७॥ अथर्ववेद उवाच । यं प्रपश्यन्ति देवेशं भक्त्यनुग्रहिणो जनाः । तमाहुरेकं कैवल्यं शङ्करं दुःखतः परम् ॥ २८॥ इति शिवपुराणे शतरुद्रसंहितायां अष्टमाध्ययान्तर्गतं वेदैः कृतं शिवस्तोत्रं समाप्तम् । शिवपुराण । शतरुद्रसंहिता । अध्याय ८/२५-२८॥ shivapurANa . shatarudrasaMhitA . adhyAya 8/25-28.. Proofread by PSA Easwaran