Devadibhihkritam Skanda Stotram

देवादिभिःकृतं स्कन्दस्तोत्रम्

इति चिन्तापरो दैत्यः शुश्राव कटुकाक्षरम् । देवबन्दिभिरुद्घुष्टं घोरं हृदयदारणम् ॥ ४६॥ जयातुलशक्तिदीधितिपिञ्जररुचारुणमण्डलभुजोद्भासितदेवसैन्य पुरवनकुमुदकाननविकासनेन्दो कुमारनाथ जय दितिकुलमहोदधिवडवानल मधुररवमयूररवासुरमुकुटकूटकुट्टित- चरणनखाङ्कुर महासेन तारकवंशशुष्ककृतमदावानल योगीश्वराय । योगिजनहृदयगगनविततचिन्तासन्तानसन्तमसनोदनखरकिरण- कल्पनखनिकरविराजितचरणकमल स्कन्द जय बाल सप्तवासर भुवनावलिशोकसन्दहन ॥ ४७॥ नमो नमस्तेऽस्तु मनोरमाय नमोऽस्तु ते साधुभयापहाय । नमोऽस्तु ते बालकृताचलाय नमो नमो नाशय देवशत्रून् ॥ ४८॥ इति श्रीस्कन्दपुराणे माहेश्वरखण्डे कौमारिकाखण्डे एकत्रिंशाध्यायान्तर्गतं देवाविभिःकृतं स्कन्दस्तोत्रं समाप्तम् । स्कन्दपुराण । माहेश्वरखण्ड । कौमारिकाखण्ड । अध्याय ३१/४७-४८॥ skandapurANa . mAheshvarakhaNDa . kaumArikAkhaNDa . adhyAya 31/47-48.. Proofread by PSA Easwaran