Purandarakritam Skanda Stotram

पुरन्दरकृतं स्कन्दस्तोत्रम्

ब्रह्मदत्तवरः स्कन्द त्वयायं महिषो हतः देवास्तृणमया यस्य बभूवुर्जयतां वर सोऽयं त्वया महाबाहो शमितो देवकण्टकः ॥ ७३॥ शतं महिषतुल्यानां दानवानां त्वया रणे । निहतं देवशत्रूणां यैर्वयं पूर्वतापिताः ॥ ७४॥ तावकैर्भक्षिताश्चान्ये दानवाः शतसङ्घशः । अजेयस्त्वं रणेऽरीणामुमापतिरिव प्रभुः ॥ ७५॥ एतत्ते प्रथमं देव ख्यातं कर्म भविष्यति त्रिषु लोकेषु कीर्तिश्च तवाक्षय्या भविष्यति वशगाश्च भविष्यन्ति सुरास्तव सुरात्मज ॥ ७६॥ इति महाभारते आरण्यपर्वणि २२१ अध्यायान्तर्गतं पुरन्दरकृतं स्कन्दस्तोत्रं सम्पूर्णम् । महाभारत । आरण्यकपर्व । अध्याय २२१/७३-७६॥ mahAbhArata . AraNyakaparva . adhyAya 221/73-76.. Proofread by PSA Easwaran