गुहनामस्कान्दसङ्ग्रहः
सर्वमङ्गलाजानिः शरणम् ।
ॐनमः श्रीमते शरवणभवाय ।
अथ गुहनामस्कान्दसङ्ग्रहः ।
॥ मङ्गलम् ॥
ध्यायाम्यन्तर्नाथं शक्तिसनाथं मुखे वशानाथम् ।
प्रमथाना मधिनाथं विघ्नविमाथं कृतारिकुलमाथम् ॥ १॥
सुब्रह्मण्यं कलये सततं हृदयेऽखिलापदुद्धृतये ।
निर्मलवाग्विस्तृतये बहुनिर्वृतयेऽखिलागमागतये ॥ २॥
अथ दक्षकाण्डम् ।
ईश्वरसम्बोधनान्तः ।
॥ कथासङ्ग्रहः ॥
शुद्धब्रह्मपरेश गुरो
सिद्धवेषधृतिदक्ष गुरो
सद्धर्माकृतिवाह गुरो
विद्धसुरारिसनूह गुरो शुद्धब्रह्म ॥ १॥
ईशप्रसादङ्गतश्रीदक्षो गुरो
कोशराज्यभारवाहः श्रीदक्षो गुरो
ईश्वरीं तनयामाप्तुमतपत् गुरो
भास्वरप्रबद्धाञ्जलिः श्रीदक्षो गुरो शुद्धब्रह्म ॥ २॥
वेदवल्लीजानिरासीत् श्रीदक्षो गुरो
जातद्विसहस्रपुत्रः श्रीदक्षो गुरो
द्योतिसप्तपुत्रीयुतः श्रीदक्षो गुरो
मोदमापगौर्यापुत्र्याश्रीदक्षो गुरो शुद्धब्रह्म ॥ ३॥
कपालिन् कल्याणेमध्येन्तर्हितो गुरो
तपस्पन्स्याः पुरोविप्रवेष गुरो
अपरिमितरूपं साददर्श गुरो
कोपाविष्टोदक्षोपित्वान्निनिन्द गुरो शुद्धब्रह्म ॥ ४॥
जामातृसप्ततापसः श्रीदक्षो गुरो
जामातृभूतस्त्वमपिदक्षस्य गुरो
दातारं त्वामनाहूय यागवान् गुरो
मातादाक्षायणीकोपमापश्री गुरो शुद्धब्रह्म ॥ ५॥
शम्भो महिमादधीचिबोधितो गुरो
शम्भुविनानकुर्वितिप्राहस गुरो
अम्बातवनिकटं प्राप्तानिन्दिता गुरो
डिम्भवीरलुप्तदक्षयाग गुरो शुद्धब्रह्म ॥ ६॥
धावदिन्द्रदेवसैन्यपाल गुरो
देवमेषमुखदक्षप्रार्थित गुरो
पापहरस्तोत्रकारिदक्षप गुरो
शापनिवारणदक्षशुभद गुरो शुद्धब्रह्म ॥ ७॥
इति दक्षकाण्डः ॥
अथ सम्भवकाण्डम् ।
ईश्वरवर्णनम् ।
शुद्धसनकमुनिवन्द्य गुरो
रुद्धमदनमदभार गुरो
बद्धहस्तमुनिसेव्य गुरो
वृद्धवेषधरपूर्व गुरो देवदेव ॥ ८॥
देवदेव जगदीश गुरो
देवदेवशुभदायि गुरो
देवदेवचिदधीश गुरो
देवदेवमनुदायि गुरो देवदेव ॥ ९॥
सर्वज्ञसप्तऋषिप्रेषक भो
पर्वततनयोद्वाहक भो
गर्वहरमुनियाम्यप्रेषक भो
खर्वभिन्ननतिरतिरक्षक भो देवदेव ॥ १०॥
अग्निमुखस्तुतविभववि भो
भुग्नवदनाम्बुजगौर्यङ्क भो
उद्विग्नगङ्गावाहितवीर्यवि भो
अघघ्नशरवणजषट् सुतवि भो देवदेव ॥ ११॥
अथ सुब्रह्मण्यवर्णनम् ।
षण्मुखविलसितसुन्दर गुहोम्
चिन्मुखकृत्तिकास्त्रीपालित गुहोम्
सन्मुखोमाकृतालोकालिङ्गन गुहोम्
सम्यक्सुपात्रपयःप्राशन गुहोम् देवदेवजयवल्लीश ॥ १२॥
देवदेवजयवल्लीश
देवदेवजयसेनेश
देवदेवशिवबालेश
देवदेवगुहनामेश ॥ १३॥
शापगतमुनिजपाल गुहोम्
पापहरशरवणेश गुहोम्
तापत्रयहर देव गुहोम्
कोपरहित शुभरूप गुहोम् देवदेवजय ॥ १४॥
बालमनोहरेतिगीत गुहोम्
लालाजालयुतचक्रम गुहोम्
डोलापदोद्धूननललित गुहोम्
शीलोभयकुलदीप्रदीपक गुहोम् देवदेवजय ॥ १५॥
मन्दमन्दपदगमन गुहोम्
इन्दुवदनकुन्दरदन गुहोम्
मन्दस्मितकम्बुकन्धर गुहोम्
गन्धशरीरेत्युमागीत गुहोम् देवदेवजय ॥ १६॥
कृतरोषमेषमदमोष गुहोम्
नतबद्धमुक्तब्रह्मदेव गुहोम्
द्रुतकृतप्रणवोपदेश गुहोम्
हितकरशङ्करप्रसाद गुहोम् देवदेवजय ॥ १७॥
गर्भाष्टमउपनीत गुहोम्
दौर्भाग्यापहरविद्येश गुहोम्
निर्भरलीलाजालसंयुत गुहोम्
दर्भरशनावेष्टिताम्बर गुहोम् देवदेवजय ॥ १८॥
नारदबोधितवचन गुहोम्
तारकहरक्रौञ्चदलन गुहोम्
धीरक्रौञ्चबिलमोचक गुहोम्
वीरबाह्वादिस्तुतविभव गुहोम् देवदेवजय ॥ १९॥
हिमगिरिदेवगिरिचार गुहोम्
द्रुमयुतवृद्धगिरिचार गुहोम्
भ्रमहरवेङ्कटाद्रिचार गुहोम्
श्रमहरारुणाचलचार गुहोम् देवदेवजय ॥ २०॥
केदारेशक्षेत्रादिगमन गुहोम्
ज्योतिर्मयकालहस्तिगमन गुहोम्
भूतिदायिविरूपाक्षगमन गुहोम्
भीतिहरवटारण्यगमन गुहोम् देवदेवजय ॥ २१॥
काशीविश्वनाथक्षेत्रगमन गुहोम्
भूषितवरश्रीशैलगमन गुहोम्
शोभितकाञ्चीनगरगमन गुहोम्
मोदितचिदम्बरेशगमन गुहोम् देवदेवजय ॥ २२॥
तुङ्गस्वर्णमुखीनदीसङ्गत गुहोम्
मङ्गलदमणिनदीसङ्गत गुहोम्
तुङ्गामलपेण्णानदीसङ्गत गुहोम्
सङ्गमकावेरीतीरसङ्गत गुहोम् देवदेवजय ॥ २३॥
मरुप्रदेशसञ्चारषण्मुख गुहोम्
सुरुचिरपराचलसङ्गत गुहोम्
निरुपममुनिपुत्रसङ्गत गुहोम्
वरुणालयाग्रसन्धिसङ्गत गुहोम् देवदेवजय ॥ २४॥
इति सम्भवकाण्डम् ॥
अथासुरकाण्डम् ।
वन्दितामराचार्यवेदित गुहोम्
चिन्तिसुरवृत्तान्तजन्य गुहोम्
अथ सुब्रह्मण्यं प्रति देवगुरुवचनम् ।
पण्डितकाश्यापोनामवर्तते गुहोम्
चण्डिकामायानामतं ययौ गुहोम् देवदेवजय ॥ २५॥
मायायाः प्रथमयामेशूरो गुहोम्
भूयोद्वितीयेजनिसिंहास्यो गुहोम्
दायादस्तृतीययामेतारको गुहोम्
कायाढ्यातुरीययामेऽजामुखी गुहोम् देवदेवजय ॥ २६॥
आर्यशुक्रोपदिष्टश्शूरो गुहोम्
वीरयागमकृतशूरो गुहोम्
आर्यशिवप्रसादमाप गुहोम्
वीर्यपाशुपतास्त्रम्प्राप गुहोम् देवदेवजय ॥ २७॥
इन्द्रादिदिग्विजयं व्यधित गुहोम्
वन्द्यवैकुण्ठजयमकृत गुहोम्
नन्द्यकैलासङ्गतश्शूरो गुहोम्
सान्द्रवीरमहेन्द्राधारो गुहोम् देवदेवजय ॥ २८॥
शूरभीत्याविंशताभृदिन्द्रो गुहोम्
चार्वगस्त्यानीताभुविकावेरी गुहोम्
वीरक्रौञ्चशापकारीकुम्भजो गुहोम्
धीरकुम्भजजितोविन्ध्यो गुहोम् देवदेवजय ॥ २९॥
विजितेल्वलवातापिःकुम्भजो गुहोम्
विहितकुद्दालगतिः कुम्भजो गुहोम्
गलितेन्द्राणीरक्षकश्शास्ता गुहोम्
ज्वलितशास्तृवृत्तान्तवादीन्द्रो गुहोम् देवदेवजय ॥ ३०॥
मोहिन्यङ्गगलितागण्डकीनदी गुहोम्
वेदवेद्यसालग्रामाजाता गुहोम्
मोहिताजामुखीखण्डितेन्द्राणी गुहोम्
नाशितकराकालेनाजामुखी गुहोम् देवदेवजय ॥ ३१॥
भानुकोपेनबद्धोजयन्तो गुहोम्
तेनभिन्नदन्तोगजेन्द्रो गुहोम्
ध्यायन्नापगजश्वेतारण्यं गुहोम्
ज्ञानिगुरुणेत्थम्भक्त्यावेदित गुहोम् देवदेवजय ॥ ३२॥
इत्यासुरकाण्डम् ॥
अथ वीरमहेन्द्रकाण्डम् ।
गुहनामावलिः ।
चारभावगतवीरबाहो गुहोम्
शूरबुद्धिवादिवीरबाहु गुहोम्
वीरबाहुघातितसैन्य गुहोम्
धीरसनीडगामिवीर गुहोम् देवदेवमय ॥ ३३॥
शूरपद्मसिह्नवक्त्रेणेडित गुहोम्
तीरहेमकूटनगरावास गुहोम्
अपारकरुणामृतमानस गुहोम्
उदारभानुकोपदर्शक गुहोम् देवदेवजय ॥ ३४॥
इति वीरमहेन्द्रकाण्डम् ॥
अथ युद्धकाण्डम् ।
प्रेषितपाशुपतवीर गुहोम्
भीषितगतभानुकोप गुहोम्
ततश्च सम्बोधनान्तः
॥ कथा सङ्ग्रहः ॥
दूषितस्त्वयारणेशूरो गुहोम्
दूषितंशूरतिरोधानं गुहोम् देवदेवजय ॥ ३५॥
भूयोप्यतिबाहुभानुकोपौ गुहोम्
प्रायोहिसमानसैन्ययुद्धो गुहोम्
भूयोपिसमुद्रक्षिप्तंसैन्यं गुहोम्
भूयोपिसुशक्त्याकृष्टंसैन्यं गुहोम् देवदेवजय ॥ ३६॥
॥ सुब्रह्मण्यस्तोत्रम् ॥
विदितहिरण्यमत्स्यभावद गुहोम्
पातिताग्निमुखादिरिपुसुत गुहोम्
विहितविजययुद्धमुदित गुहोम्
जरितविकृतधर्मकोपादे गुहोम् देवदेवजय ॥ ३७॥
परिहतभानुकोपवीर गुहोम्
अथ कथा ।
सुरततिसागरेऽक्षिपत्सिह्मो गुहोम्
सरलशक्त्याकर्षितादेवा गुहोम्
हननविरलोदरस्सिह्मास्यो गुहोम् देवदेवजय ॥ ३८॥
माययाण्डाकृष्टसैन्यः शूरो गुहोम्
मायाबलसर्वाकारश्शूरो गुहोम्
मायासुरभिजीवितसैन्यो गुहोम्
भूयोप्यपहतं शूरसैन्यं गुहोम् देवदेवजय ॥ ३९॥
अथ स्तोत्रम् ।
विश्वरूपतुष्टशूरषण्मुख गुहोम्
विश्वाहृतज्ञानशूरषण्मुख गुहोम्
विश्वासशूरवधषण्मुख गुहोम्
विश्वम्भरासुनायकषण्मुख गुहोम् देवदेवजय ॥ ४०॥
इति युद्धकाण्डम् ॥
अथ देवकाण्डम् ।
श्रीसन्धिनगरयातषण्मुख गुहोम्
श्रीपराचलेकुञ्जरीविवाह गुहोम्
श्रीपुरन्दरपट्टाभिषेक गुहोम्
श्रीवरगुहाद्रिगतदेव गुहोम् देवदेवमय ॥ ४१॥
नारदेनवल्युद्वाहकरण गुहोम्
तारपरिपूर्णगिरिवास गुहोम्
दारद्वयाश्लिष्टदिव्यदेह गुहोम्
नारदादिस्तुत्यस्कन्दशैल गुहोम् देवदेवजय ॥ ४२॥
गुहनामस्कान्दपाठिभक्तस्य गुहोम्
इहपराभीष्टसिद्धिन्देहिभो गुहोम्
बृहन्मेहापस्मारादिहरणम् गुहोम्
महदैश्वर्यप्रमावं षण्मुख गुहोम् देवदेवजय ॥ ४३॥
स्कान्दप्रोक्तशिखिनगेश गुहोम्
शान्तसुमुखशिखिनगेश गुहोम्
स्वान्तर्भुवनशिखिनगेश गुहोम्
नान्तमध्यादेशिखिनगेश गुहोम् देवदेवजय ॥ ४४॥
शरवणभवशिखिनगेश गुहोम्
रणपराक्रमशिखिनगेश गुहोम्
वनवल्लीप्रियशिखिनगेश गुहोम्
भवभयहरशिखिनगेश गुहोम् देवदेवजय ॥ ४५॥
सर्वलोकपालशिखिनगेश गुहोम्
सर्वाङ्गसुन्दरशिखिनगेश गुहोम्
सर्वदेवात्मकशिखिनगेश गुहोम्
सर्वमङ्गलदशिखिनगेश गुहोम् देवदेवजय ॥ ४६॥
इति श्रीमयूरगिरिवास्तव्य
सुब्बय्यार्यस्य गणपतिसुब्रह्मण्यशर्मणः कृतिषु
स्कान्दसङ्ग्रहगुहनामावलिस्सम्पूर्णा ॥
सर्वमङ्गलाजानिः शरणम् ॥
Encoded and proofread by Preeti Bhandare