श्रीस्वामिनाथषट्कम्
हे स्वामिनाथार्तबन्धो ।
भस्मलिप्ताङ्ग गाङ्गेय कारुण्यसिन्धो ॥ १॥
रुद्राक्षधारिन्नमस्ते रौद्ररोगं हर त्वं पुरारेर्गुरोर्मे ।
राकेन्दुवक्त्रं भवन्तं माररूपं कुमारं भजे कामपूरम् ॥ २॥
मां पाहि रोगादघोरात् मङ्गलापाङ्गपातेन भङ्गात्स्वराणाम् ।
कालाच्च दुष्पाककूलात् कालकालस्य सूनुं भजे क्रान्तसानुम् ॥ ३॥
ब्रह्मादयो यस्य शिष्याः ब्रह्मपुत्रा गिरौ यस्य सोपानभूताः ।
सैन्यं सुराश्चापि सर्वे सामवेदादिगेयं भजे कार्तिकेयम् ॥ ४॥
काषाय संवीतगात्रं कामरोगादि संहारिभिक्षान्न पात्रम् ।
कारुण्यसम्पूर्णनेत्रं शक्तिहस्तं पवित्रं भजे शम्भुपुत्रम् ॥ ५॥
श्रीस्वामिशैले वसन्तं साधुसङ्घस्य रोगान् सदा संहरन्तम् ।
ओङ्कारतत्त्वं वदन्तं शम्भुकर्णे हसन्तं भजेऽहं शिशुं तम् ॥ ६॥
स्तोत्रं कृतं चित्रचित्रं दीक्षितानन्तरामेण सर्वार्थसिद्ध्यै ।
भक्त्या पठेत् यः प्रभाते देवदेवप्रसादात् लभेताष्टसिद्धिम् ॥
इति श्रीस्वामिनाथषट्कं सम्पूर्णम् ।
Encoded and proofread by Malathi Ravi Kuduvaa