Tiruchendura Shri Sendiladhipan SuprabhAtam

 तिरुचेन्दूर श्री सेन्दिलाधिपन् सुप्रभातम् 
ॐ श्रीगणेशाय नमः ।
वन्दे वन्दारुमन्दारमिन्दुभूषणनन्दनं
      अमन्दानन्दसन्दोहबन्धुरं सिन्धुराननम् ।
षड्वक्त्र कृत्तिकापुत्र षट्चक्रस्थ कृपानिधे
      उत्तिष्ठाभीष्टवरद कर्त्तव्यं लोकरक्षणम् ॥ १॥

उत्तिष्ठोत्तिष्ठ गाङ्गेय उत्तिष्ठ श्रुतिसंस्तुत ।
उत्तिष्ठ सर्वदेवेश त्रैलोक्यं मङ्गळं कुरु ॥ २॥

सुप्रातमस्तु शशिचूडतनूद्भवाय
      सुप्रातमस्तु शरणागतवत्सलाय ।
सुप्रातमस्तु शरदिन्दुसमाननाय
      सुप्रातमस्तु शबरेन्द्रसुताप्रियाय ॥ ३॥

सुप्रातमस्त्वसुरकुलान्तकाय
      सुप्रातमस्तु शमलापहदिव्यनाम्ने ।
सुप्रातमस्तु शरशक्तिधनुर्धराय
      सुप्रातमस्तु शरसम्भव सुप्रभातम् ॥ ४॥

श्रीवेदसूक्तसकलागममन्त्ररूप
      श्रीकार्तिकेय कमलानन तारकारे ।
श्रीसिन्धुतीरविलसत् सुगुहानिवास
      श्रीगन्धमादनपते तव सुप्रभातम् ॥ ५॥

षट्कोणमध्यविलसत् प्रणवस्वरूप
      षड्भावनाशक षडानन षट्किरीट ।
षष्ठीव्रतप्रिय सुमङ्गळदिव्यमूर्ते
      श्रीगन्धमादनपते तव सुप्रभातम् ॥ ६॥

श्रीस्कन्दपुष्करिणिका शुभतोयपूताः
      श्रीभस्मरुद्रमणिभूषितदिव्यगात्राः ।
त्वत्सन्निधौ प्रतिदिनं प्रविशन्ति भक्ताः
      श्रीगन्धमादनपते तव सुप्रभातम् ॥ ७॥

श्रीकुम्भसम्भवशुकप्रमुखा मुनीन्द्राः
      श्रीपारिजातकुसुमानि करे गृहीत्वा ।
श्रीपादपद्ममुभयं च सदार्चयन्ति
      श्रीगन्धमादनपते तव सुप्रभातम् ॥ ८॥

श्रीब्रह्मविष्णुसुरनायकदेवमुख्याः
      त्वत्पादपद्ममधुरामृतपानहेतोः ।
द्वारे स्थिताः प्रतिदिनं निगमागमज्ञाः
      श्रीगन्धमादनपते तव सुप्रभातम् ॥ ९॥

सर्वार्थसाधक जयन्तिपुरीनिवासाः
      विप्रेन्द्रवर्यगणभक्तगणा महन्तः ।
त्वत्सन्निधौ प्रतिदिनं निवसन्ति सर्वे
      श्रीगन्धमादनपते तव सुप्रभातम् ॥ १०॥

शरसम्भव ते करुणाप्रथिता
      विधिशङ्करविष्णुमुखैर्विदिता ।
करुणालवभाग्यधि कश्चिदहो
      मनुजैस्सकलैर्नियतं विनुतः ॥ ११॥

शिवतातगिरा श्रुतितत्परता
      भवतस्सकलैर्विदिता हि भवान् ।
सुपलाश पलाशतते(?) प्रथमं
      हुतभोजिमुखान्तमहो कृतवान् ॥ १२॥

कलितः कलितं कलुषं सकलं
      शरसम्भव हन्तुमहो भगवन् ।
शरजन्म भवान् गतवान् मतिमन्
      शरदिन्दुसमानमुखाम्बुरुहः ॥ १३॥

शिवनिन्दनसुस्रवतो विबुधा-
      दितिजैरघरूपधरैर्विधुताः ।
त्वदुपाश्रयतः पुनरप्यमरा
      भवता सुखिता विहिता नियतम् ॥ १४॥

विधिना भवतश्शिशुता विदिता
      परदानमदान्ममता जनिदात् ।
प्रणवार्थकृते भवदा तु पुनर्-
      निजवीरवैरस्सवितिर्यमितः ॥ १५॥

मुनिभिः परिवारित भो भगवन्
      स परात्मजयासुरराट्सुधया ।
सहसाननया सहपादि भवान्
      शिखिवाहन षण्मुख सर्वगुरो ॥ १७॥

शरणागतमातुरमादिजितं
      करुणाकर कामद कामहतम् ।
शरकाननसम्भव चारुरुचे
      परिपालय तारकमारक माम् ॥ १७॥

शरदिन्दुसमान षडाननया
      सरसीरुह चारुविलोचनया ।
निरुपाधिकया निजबालतया
      परिपालय तारकमारक माम् ॥ १८॥

हरसारसमुद्भव हैमवती-
      करपल्लवलाळितकम्रतनो ।
मुरवैरिविरिञ्चमुदं पुनिदे(?)
      परिपालय तारकमारक माम् ॥ १९॥

गिरिजासुत सायकभिन्नगिरे
      सुरसिन्धुतनूजसुवर्णरुचे ।
शिखिवाह शिखावल देव नमो
      परिपालय तारकमारक माम् ॥ २०॥

परितो भव मे पुरतो भव मे
      पति मे सततं गुह रक्ष च माम् ।
विदराजिषु(?) मे विजयं भवितुं
      परिपालय तारकमारक माम् ॥ २१॥

जय विप्रजनप्रिय वीर नमो
      जय भक्तपरायण भद्र नमो ।
जय शाकविशाखकुमार नमो
      परिपालय तारकमारक माम् ॥ २२॥

एकं पक्षद्वयं साक्षात् त्रिमूर्तिञ्च चतुष्फलम् ।
पञ्चस्कन्दं च षट्चाहं(?) सप्तत्वक्(?) परिपूरितम् ॥ २३॥

अष्टपुष्पं नवाक्षं च दशव्याप्तं महाद्भुतम् ।
एवमादिमहावृक्षं पालयन्तं गुहं भजे ॥ २४॥

इत्थं श्रीसुप्रभातं च  ये पठन्तीह मानवाः ।
ते सर्वे सर्वकामार्थाः प्रयान्ति गुहसन्निधौ ॥ २५॥

इति शुभम् ।

इति तिरुचेन्दूर श्री सेन्दिलाधिपन् सुप्रभातं सम्पूर्णम् ।


Encoded by Sivakumar Thyagarajan Iyer
Proofread by Sivakumar Thyagarajan Iyer, Aruna Narayanan, PSA Easwaran