भीष्मककृतं श्रीकृष्णस्तोत्रम् १
भीष्मक उवाच ।
देवदेव नमस्तुभ्यमनादिनिधनाय वै ।
शश्वतायादिदेवाय नारायण परायण ॥ १॥
स्वयंभुवाय विश्वाय स्थाणवे वेधसाय च ।
पद्मनाभाय जटिने दण्डिने पिङ्गलाय च ॥ २॥
हंसप्रभाय हंसाय चित्ररूपाय वै नमः ।
वैकुण्ठाय नमस्तस्मै अजाय परमात्मने ॥ ३॥
सदसद्भावयुक्ताय पुराणपुरुषाय च ।
पुरुषोत्तमाय युक्ताय निर्गुणाय नमोऽस्तु ते ॥ ४॥
वरदो भव मे नित्यं त्वद्भक्ताय सुरोत्तम ।
लोकनाथोऽसि नाथस्त्वं विष्णुस्त्वं विदितात्मनाम् ॥ ५॥
इति हरिवंशान्तर्गतं भीष्मककृतं श्रीकृष्णस्तोत्रं सम्पूर्णम् ।
हरिवंश । अनुबन्ध - परिशिष्ट । अध्याय अ२०.६३२॥
harivaMsha . anubandha - parishiShTa . adhyAya a20.632..
Proofread by PSA Easwaran