Bhishmakakritam 2 Shri Krishna Stotram

भीष्मककृतं २ श्रीकृष्णस्तोत्रम्

भीष्मक उवाच । सर्वान्तरात्मा सर्वेषां साक्षी निर्लिप्त एव च । कर्मिणां कर्मणामेव कारणानां च कारणम् ॥ ८८॥ केचिद्वदन्ति त्वामेकं ज्योतीरूपं सनातनम् । केचिच्च परमात्मानं जीवो यत्प्रतिबिम्बकः ॥ ८९॥ केचित्प्राकृतिकं जीवं सगृणं भ्रान्तबुद्धयः । केचिन्नित्यशरीरं च बुद्धा(धा)श्च सूक्ष्मबुद्धयः ॥ ९०॥ ज्योतिरभ्यन्तरे नित्यं देहरूपं सनातनम् । कस्मात्तेजः प्रभवति साकारमीश्वरं विना ॥ ९१॥ एवं स्तुत्वा स चाऽऽचान्तः स्मरन्विष्णुं च नारद । पाद्यं पद्मार्चिते पादपद्मे चायं ददौ मुदा ॥ ९२॥ इति श्रीब्रह्मवैवर्तपुराणे श्रीकृष्णजन्मखण्डे उत्तरे सप्ताधिकशाततमाध्यायान्तर्गतं भीष्मककृतं श्रीकृष्णस्तोत्रं समाप्तम् । ब्रह्मवैवर्तपुराण । श्रीकृष्णजन्म, उत्तरभाग । अध्याय १०७/८८-९१॥ brahmavaivartapurANa . shrIkRRiShNajanma, uttarabhAga . adhyAya 107/88-91.. Proofread by PSA Easwaran