Bhadramatikritam Hari Stotram

भद्रमतिकृतं हरिस्तोत्रम्

ततो ययौ परं तीर्थं पापनाशननामकम् । स्नात्वा ददौ श्रोत्रियाय भूदानं वैष्णवाय सः ॥ ६०॥ तत्कालं भगवाँस्तत्र साक्षादाविर्बभूव ह । भद्रमतिः स्तवं चक्रे नमो नारायणाय ते ॥ ६१॥ कारणाय प्रपालायाऽन्तकाय नायकाय च । पावकाय प्रसन्नाय स्मृद्धिदाय च ते नमः ॥ ६२॥ श्रीशाय श्रीकृष्णनारायणाय भूधराय च । लक्ष्मीशाय प्रभेशाय माणिकीशाय ते नमः ॥ ६३॥ पार्वतीशाय गोपालबालकाय च ते नमः । कम्भराङ्कप्रजाताय सर्वज्ञाय च ते नमः ॥ ६४॥ चक्रपद्मादिचिह्नाय पुमुत्तमाय ते नमः । क्षीरसागरवासाय श्रीलक्ष्मीसेविताय च ॥ ६५॥ अभीष्टसुखदात्रे ते यज्ञवाराहरूपिणे । नमस्ते कमलाकान्त पद्माकान्ताय ते नमः ॥ ६६॥ पद्मिनीपतये भक्तदारिद्र्यनाशकाय ते । साधुरूपाय ते कृष्ण! भूयो भूयो नमो नमः ॥ ६७॥ इति श्रीलक्ष्मीनारायणीयसंहितायां प्रथमे कृतयुगसन्ताने ४०३-अध्यायान्तर्गतं भद्रमतिकृतं हरिस्तोत्रं सम्पूर्णम् । लक्ष्मीनारायणीयसंहिता । खण्ड १। अध्याय ४०३/६०-६७॥ lakShmInArAyaNIyasaMhitA . khaNDa 1. adhyAya 403/60-67.. Proofread by PSA Easwaran