Bhaktakritam Shri Krishna Stotram

भक्तकृतं श्रीकृष्णस्तोत्रम्

भक्त उवाच । हे कृष्ण राधिकानाथ करुणासागर प्रभो । संसारसागराद्घोरात् मामुद्धर भयानकात् ॥ ८२॥ शतजन्मकृतायासादुद्विग्नस्य मम प्रभो । स्वकर्मपाशनिगडैर्बद्धस्य मोक्षणं कुरु ॥ ८३॥ प्रणतं पादपद्मे ते पश्य मां शरणागतम् । भवपाशभयाद्भीतं पाहि त्वं शरणागतम् ॥ ८४॥ भक्तिहीनं क्रियाहीनं विधिहीनं च वेदतः । वस्तुमन्त्रविहीनं यत्तत्सम्पूर्णं कुरु प्रभो ॥ ८९॥ वेदोक्तविहिताऽज्ञानात्स्वाङ्गहीने च कर्मणि । त्वन्नामोच्चारणेनैव सर्वं पूर्णं भवेद्धरे ॥ ८६॥ इति स्तुत्वा तं प्रणम्य दत्त्वा विप्राय दक्षिणाम् । महोत्सवं विधायाथ कुर्याज्जागरणं व्रती ॥ ८७॥ इति श्रीब्रह्मवैवर्तपुराणे श्रीकृष्णजन्मखण्डे पूर्वे षड्विंशाध्यायान्तर्गतं भक्तकृतं श्रीकृष्णस्तोत्रं समाप्तम् । ब्रह्मवैवर्तपुराण । श्रीकृष्णजन्म, पूर्वभाग । अध्याय २६/८२-८६॥ brahmavaivartapurANa . shrIkRRiShNajanma, pUrvabhAga . adhyAya 26/82-86.. Proofread by PSA Easwaran